അബുദബി: കുവൈത്തിന് നേരെയുണ്ടായ ആക്രമണത്തെ ശക്തമായി അപലപിച്ച് യുഎഇ വിദേശകാര്യ മന്ത്രാലയം. കുവൈത്തിന്റെ പരമാധികാരത്തിന്മേലുള്ള ലംഘനമാണ് നടന്നതെന്നും, മേഖലയുടെ സുരക്ഷയ്ക്കും സ്ഥിരതയ്ക്കും ഇത്തരം പ്രവർത്തനങ്ങൾ ഭീഷണിയാണെന്നും മന്ത്രാലയം പ്രസ്താവനയിൽ വ്യക്തമാക്കി.

കുവൈത്തിന് യുഎഇയുടെ പൂർണ്ണ ഐക്യദാർഢ്യം പ്രഖ്യാപിച്ച വിദേശകാര്യ മന്ത്രാലയം, രാജ്യത്തിന്റെ സുരക്ഷയും സമാധാനവും സംരക്ഷിക്കുന്നതിനായി കുവൈത്ത് സർക്കാർ സ്വീകരിക്കുന്ന എല്ലാ നടപടികൾക്കും തങ്ങളുടെ പിന്തുണ അറിയിക്കുകയും ചെയ്തു.

ALSO READ: കരുത്തുകാട്ടി യുഎഇ സായുധസേന; ഇറാന്റെ ഡ്രോൺ ആക്രമണശ്രമം തകർത്തു

ഡ്രോൺ ആക്രമണത്തെ ചെറുത്ത് കുവൈത്ത്

ഇന്ന് പുലർച്ചെയാണ് കുവൈത്ത് വ്യോമാതിർത്തിക്ക് നേരെ ഡ്രോൺ ആക്രമണം ഉണ്ടായത്. ഇക്കാര്യം കുവൈത്ത് പ്രതിരോധ മന്ത്രാലയം നേരത്തെ സ്ഥിരീകരിച്ചിരുന്നു. സൈന്യം കൃത്യസമയത്ത് ഇടപെടുകയും നിശ്ചിത സുരക്ഷാ നടപടിക്രമങ്ങൾ പാലിച്ച് ഈ ഭീഷണി നേരിടുകയും ചെയ്തു. മേഖലയിൽ നിലനിൽക്കുന്ന രാഷ്ട്രീയ സാഹചര്യങ്ങൾക്കിടയിലാണ് കുവൈത്തിന് നേരെ ഇത്തരമൊരു നീക്കമുണ്ടായത്.

മേഖലയിലെ സമാധാനം തകർക്കുന്ന പ്രവണതകൾക്കെതിരെ വിട്ടുവീഴ്ചയില്ലാത്ത നിലപാടാണ് യുഎഇ സ്വീകരിക്കുന്നത്. കുവൈത്തിന്റെ സുരക്ഷ തങ്ങളുടെ കൂടി സുരക്ഷയാണെന്ന നിലപാടാണ് യുഎഇ ഈ പ്രസ്താവനയിലൂടെ അടിവരയിടുന്നത്.

The UAE strongly condemned the attack targeting Kuwait and reaffirmed its full solidarity and support for the country amid rising regional tensions.