ന്യൂഡൽഹി: തമിഴ്‌നാട് മുഖ്യമന്ത്രിയായി അധികാരമേറ്റ ടിവികെ അധ്യക്ഷൻ വിജയ്‌യെ ഫോണിൽ വിളിച്ച് അഭിനന്ദിച്ച് പ്രധാനമന്ത്രി നരേന്ദ്ര മോദി. നേരത്തെ സോഷ്യൽ മീഡിയ പ്ലാറ്റ്‌ഫോമായ എക്സിലൂടെയും അദ്ദേഹം വിജയ്‌ക്ക് ആശംസകൾ നേർന്നിരുന്നു.

തമിഴ്നാട്ടിലെ ജനങ്ങളുടെ ക്ഷേമത്തിനും വികസനത്തിനും കേന്ദ്രസർക്കാരിന്റെ പൂർണ്ണ പിന്തുണയും സഹകരണവും ഉണ്ടാകുമെന്ന് പ്രധാനമന്ത്രി ഉറപ്പുനൽകി. വിജയ്‌യുടെ ഭരണകാലയളവ് മികച്ചതാകട്ടെ എന്ന് അദ്ദേഹം ആശംസിച്ചു.

ALSO READ: യുദ്ധം അവസാനിപ്പിക്കണം; അമേരിക്കയുടെ 14 ഇന നിർദേശങ്ങൾക്ക് മറുപടി നൽകി ഇറാൻ

പ്രധാനമന്ത്രിയുടെ ആശംസകൾക്ക് വിജയ് നന്ദി പറഞ്ഞു. ജനങ്ങളുടെ ഉന്നമനവും സംസ്ഥാനത്തിന്റെ പുരോഗതിയുമാണ് തന്റെ സർക്കാരിന്റെ ലക്ഷ്യമെന്നും, ഇതിനായി കേന്ദ്രത്തിന്റെ സജീവ പിന്തുണ പ്രതീക്ഷിക്കുന്നതായും മറുപടി നൽകി.