കോഴിക്കോട്: താമരശ്ശേരി ചുരത്തിൽ റോഡ് നവീകരണ പ്രവൃത്തികൾ ആരംഭിക്കുന്ന സാഹചര്യത്തിൽ ഇന്നുമുതൽ ഗതാഗത നിയന്ത്രണം ഏർപ്പെടുത്തി. ചുരത്തിലെ കൊടുംവളവുകൾ വീതി കൂട്ടുന്ന പ്രവൃത്തിയുടെ ഭാഗമായാണ് നടപടി.

മൾട്ടി ആക്‌സിൽ ലോറികൾക്കും ഭാരമേറിയ ചരക്ക് വാഹനങ്ങൾക്കും പൂർണ്ണ നിയന്ത്രണം ഏർപ്പെടുത്തി. ചുരത്തിലെ 6, 7, 8 വളവുകളാണ് വീതി കൂട്ടുന്നത്. വരും ദിവസങ്ങളിൽ നിയന്ത്രണം തുടരുമെങ്കിലും തിങ്കളാഴ്ച മുതൽ പരിശോധനയും നിയന്ത്രണവും കൂടുതൽ കർശനമാക്കും.

ALSO READ: സതീശനെ മുഖ്യമന്ത്രിയാക്കിയത് ലീഗ് സമ്മർദ്ദത്താലല്ല; സി.പി.എം പ്രചാരണം പരാജയം മറയ്ക്കാൻ: കെ. മുരളീധരൻ

ചുരം വഴി കടന്നുപോകേണ്ട മൾട്ടി ആക്‌സിൽ ലോറികൾ ഉൾപ്പെടെയുള്ള വലിയ വാഹനങ്ങൾ കുറ്റ്യാടി ചുരം വഴി തിരിഞ്ഞു പോകണമെന്ന് അധികൃതർ നിർദേശിച്ചു. ചുരത്തിലൂടെ കടന്നുപോകുന്ന മറ്റ് വാഹനങ്ങൾ ട്രാഫിക് ഉദ്യോഗസ്ഥരുടെ നിർദേശങ്ങൾ കൃത്യമായി പാലിക്കണമെന്നും നവീകരണ പ്രവർത്തനങ്ങളോട് സഹകരിക്കണമെന്നും ജില്ലാ ഭരണകൂടം അറിയിച്ചു.

Traffic regulations have been implemented on the Thamarassery Churam (Ghat Road) to facilitate road widening works at the 6th, 7th, and 8th hairpin bends. As part of this, multi-axle lorries and heavy goods vehicles are strictly prohibited from using the pass starting today.