കൊച്ചി: ഓപ്പറേഷന്‍ നംഖോറിന്റെ ഭാഗമായി നടന്‍ ദുല്‍ഖര്‍ സല്‍മാന്റെ ഒരു വാഹനം കൂടെ കസ്റ്റംസ് പിടിച്ചെടുത്തു. കളമശേരിയിലെ സിഗ്നേച്ചര്‍ കാര്‍സില്‍ സൂക്ഷിച്ച നിസാന്‍ പട്രോള്‍ കാറാണ് പിടിച്ചെടുത്തത്. ദുല്‍ഖര്‍ നായകനായ സിനിമകളില്‍ ഈ വാഹനം ഉപയോഗിച്ചിരുന്നു. 

ഓപ്പറേഷന്‍ നംഖോറിന്റെ ഭാഗമായി ദുല്‍ഖറിന്റെ മൂന്ന് ആഡംബര വാഹനങ്ങളാണ് കസ്റ്റംസ് പിടിച്ചെടുത്തത്. കള്ളക്കടത്തില്‍ ഒരാളുടെ അറസ്റ്റും രേഖപ്പെടുത്തിയിരുന്നു. 

ഭൂട്ടാനില്‍ നിന്ന് ഇന്ത്യയിലേക്ക് അനധികൃതമായി വാഹനങ്ങള്‍ കടത്തിയെന്നാണ് കേസ്. ഭൂട്ടാനിലെ സൈനികരുടെ വാഹനങ്ങളാണ് ഇത്തരത്തില്‍ അതിര്‍ത്തി വഴി വ്യാജ രേഖകളും, എംബസികളുടെ പേരും ഉപയോഗിച്ച് കടത്തിയത്. നികുതി വെട്ടിപ്പിലൂടെ ഇടനിലക്കാര്‍ കോടികള്‍ തട്ടിയെടുത്തെന്നാണ് കസ്റ്റംസിന്റെ കണ്ടെത്തല്‍. 

ALSO READ: പി.സി. ജോർജിനും ഷോണിനും ബിജെപിയുടെ കടുത്ത വിമർശനം'; സഭാധ്യക്ഷന്മാരെ പരസ്യമായി വിമർശിച്ചാൽ എങ്ങനെ ക്രൈസ്തവ വോട്ടുകൾ കിട്ടും? 

അതേസമയം വാഹനങ്ങള്‍ ഇന്ത്യയില്‍ നിന്നുള്ള ഉടമസ്ഥരില്‍ നിന്ന് കൃത്യമായ ബാങ്ക് ഇടപാടുകളിലൂടെയാണ് താന്‍ വാങ്ങിയതെന്ന് ദുല്‍ഖര്‍ സല്‍മാന്‍ വ്യക്തമാക്കി. അന്താരാഷ്ട്ര റെഡ് ക്രോസ് സംഘടന ഡല്‍ഹിയിലേക്ക് കൊണ്ടുവന്ന വാഹനമാണ് താന്‍ വാങ്ങിയ ഡിഫന്‍ഡര്‍ എന്നും ദുല്‍ഖര്‍ കോടതിയില്‍ ബോധിപ്പിച്ചിരുന്നു.

As part of “Operation Namkhora,” customs officials have seized another vehicle belonging to actor Dulquer Salmaan.