കിന്‍ഷാസ: ആഫ്രിക്കന്‍ ഭൂഖണ്ഡത്തില്‍ വീണ്ടും ഇബോള വൈറസ് ബാധ സ്ഥിരീകരിച്ചു. മധ്യ ആഫ്രിക്കന്‍ രാജ്യമായ കോംഗോയില്‍ വൈറസ് ബാധിച്ച് 65 പേര്‍ മരിച്ചു. ആറ് വര്‍ഷങ്ങള്‍ക്ക് ശേഷമാണ് ആഫ്രിക്കയില്‍ വൈറസ് സാന്നിധ്യം സ്ഥിരീകരിക്കുന്നത്. 

ഇട്ടൂറി പ്രവിശ്യയില്‍ 250ലധികം പേര്‍ക്ക് രോഗം സ്ഥിരീകരിച്ചു. യുഗാണ്ട, ദക്ഷിണ സുഡാന്‍ എന്നീ രാജ്യങ്ങളുമായി അതിര്‍ത്തി പങ്കിടുന്ന പ്രദേശമാണിത്. നിലവില്‍ മേഖലയിലാകെ ആശങ്ക നിലനില്‍ക്കുന്നുണ്ട്. രോഗബാധ തടയുന്നതിനായുള്ള ശ്രമങ്ങള്‍ തുടരുകയാണെന്ന് ആഫ്രിക്ക ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ സെന്റര്‍ അറിയിച്ചു.  

ALSO READ: പേരാമ്പ്രയില്‍ ഓടിക്കൊണ്ടിരുന്ന കാറിന് തീപിടിച്ച് ഗര്‍ഭിണിയായ യുവതി വെന്തുമരിച്ചു 

1979ലാണ് ലോകത്ത് ആദ്യമായി ഇബോള വൈറസ് സ്ഥിരീകരിക്കുന്നത്. കോംഗോയില്‍ ഇതുവരെ 16 തവണ രോഗം വ്യാപിച്ചിട്ടുണ്ട്. കോവിഡിനേക്കാള്‍ മരണ നിരക്ക് കൂടിയ വൈറസ് ബാധയാണിത്. ആകെ കേസുകളില്‍ മൂന്നര ശതമാനമാണ് കോവിഡിന്റെ മരണനിരക്ക്. എന്നാല്‍ ഇബോള വൈറസില്‍ ഇത് 25 ശതമാനത്തിന് മുകളിലാണ്. 

2010-16 കാലത്ത് പടിഞ്ഞാറന്‍ ആഫ്രിക്കയിലുണ്ടായ ഇബോള വ്യാപനത്തില്‍ 28,000 പേരില്‍ 11,000 പേര്‍ മരിച്ചെന്നാണ് റിപ്പോര്‍ട്ട്.