അബൂദബി: യു.എ.ഇയില്‍ ഈ ആഴ്ച ശക്തമായ പൊടിക്കാറ്റിനും താപനിലയില്‍ കുറവിനും സാധ്യതയുള്ളതായി ദേശീയ കാലാവസ്ഥാ നിരീക്ഷണ കേന്ദ്രം (എന്‍.സി.എം) അറിയിച്ചു. വരും ദിവസങ്ങളില്‍ രാജ്യത്തിന്റെ വിവിധ ഭാഗങ്ങളില്‍ ശക്തമായ കാറ്റിനും കടല്‍ക്ഷോഭത്തിനും സാധ്യതയുണ്ടെന്നും അധികൃതര്‍ മുന്നറിയിപ്പ് നല്‍കി.
ഇന്ന് രാജ്യത്തിന്റെ കിഴക്കന്‍ മേഖലകളില്‍ ഭാഗികമായി മേഘാവൃതമായ കാലാവസ്ഥയായിരിക്കും. പടിഞ്ഞാറന്‍ പ്രദേശങ്ങളില്‍ താപനിലയില്‍ ഗണ്യമായ കുറവുണ്ടാകും. മണിക്കൂറില്‍ 35 കിലോമീറ്റര്‍ വരെ വേഗതയില്‍ വീശിയേക്കാവുന്ന കാറ്റ് മൂലം മണല്‍ക്കാറ്റിനും കാഴ്ചപരിധി കുറയാനും സാധ്യതയുണ്ട്.
ഇന്ന് അബൂദബിയിലും ഷാര്‍ജയിലും ഉയര്‍ന്ന താപനില 40 ഡിഗ്രി രേഖപ്പെടുത്തുമ്പോള്‍ ദുബൈയില്‍ ഇത് 39 ഡിഗ്രി ആയിരിക്കും. ഉള്‍പ്രദേശങ്ങളില്‍ ചൂട് താരതമ്യേന കൂടുതലായിരിക്കും. അല്‍ ഐനില്‍ 42 ഡിഗ്രിയും ലിവയില്‍ 44 ഡിഗ്രിയും വരെ താപനില ഉയര്‍ന്നേക്കാം. അറേബ്യന്‍ ഗള്‍ഫില്‍ കടല്‍ മധ്യനിലയിലോ ചിലപ്പോള്‍ പ്രക്ഷുബ്ധമോ ആയേക്കാം. ഒമാന്‍ കടലില്‍ സ്ഥിതി ശാന്തമായിരിക്കും.
നാളെയും പൊടിക്കാറ്റ് തുടരുമെന്നാണ് പ്രവചനം. താപനില വീണ്ടും കുറയാനും ചില പ്രദേശങ്ങളില്‍ വടക്കുപടിഞ്ഞാറന്‍ കാറ്റിന്റെ വേഗത മണിക്കൂറില്‍ 40 കിലോമീറ്റര്‍ വരെയാകാനും സാധ്യതയുണ്ട്. ചൊവ്വാഴ്ചയോടെ കാലാവസ്ഥയില്‍ നേരിയ പുരോഗതിയുണ്ടാകുകയും താപനില പടിപടിയായി ഉയരുകയും ചെയ്യും. എന്നാല്‍ ബുധനാഴ്ചയോടെ വീണ്ടും താപനില കുറയുകയും ശക്തമായ കാറ്റും പൊടിയും തിരിച്ചെത്തുകയും ചെയ്യുമെന്നും കാലാവസ്ഥാ കേന്ദ്രം വ്യക്തമാക്കി.

Summary: Dusty conditions, lower temperatures and active winds are expected across parts of the UAE on Sunday, with forecasters warning of blowing dust and rough sea conditions continuing into the coming days. UAE National Center of Meteorology said weather will be dusty at times, with clouds expected over eastern areas and a noticeable drop in temperatures across western regions of the country.