തിരുവനന്തപുരം: യു.ഡി.എഫ് മന്ത്രിമാര്‍ ഇത്തവണയും പതിവ് തെറ്റിച്ചില്ല. 13ാം നമ്പര്‍ കാര്‍ ആരും ഏറ്റെടുത്തില്ല. തിങ്കളാഴ്ച പുതിയ മന്ത്രിസഭ അധികാരമേറ്റ് മന്ത്രിമാരുടെ ഔദ്യോഗിക വാഹനങ്ങള്‍ക്കെല്ലാം നമ്പര്‍ ആയെങ്കിലും 13ാം നമ്പറിനെ എല്ലാവരും ഒഴിവാക്കുകയായിരുന്നു. ഈ നമ്പര്‍ ആരും ആവശ്യപ്പെടാത്തതിനാല്‍ ഈ നമ്പര്‍ കാറുമില്ല. 

ഭാഗ്യദോഷം കൊണ്ടുവരുമെന്ന് വിശ്വസിക്കപ്പെടുന്ന 13ാം നമ്പര്‍ വാഹനം മുന്‍പും യു.ഡി.എഫ് അധികാരത്തിലെത്തിയപ്പോള്‍ ഒഴിവാക്കിയിരുന്നു. എന്നാല്‍ കഴിഞ്ഞ എല്‍.ഡി.എഫ് സര്‍ക്കാരില്‍ കൃഷിമന്ത്രിയായിരുന്ന പി. പ്രസാദ്. തന്റെ ഔദ്യോഗിക വാഹനത്തിന് 13ാം നമ്പര്‍ ചോദിച്ചുവാങ്ങുകയായിരുന്നു. ആദ്യ പിണറായി മന്ത്രിസഭയില്‍ തോമസ് ഐസക്കായിരുന്നു ഈ നമ്പര്‍ ചോദിച്ചുവാങ്ങിയത്. 

13ാം നമ്പര്‍ കാര്‍ ഭാഗ്യദോഷമാണെന്ന വിശ്വാസമാണ് പലരും ഈ നമ്പര്‍ ഏറ്റെടുക്കാന്‍ മടികാണിക്കാന്‍ കാരണം. ഐസക്കിനു മുമ്പ് വി.എസ് അച്യുതാനന്ദന്‍ സര്‍ക്കാരില്‍ വിദ്യാഭ്യാസ മന്ത്രിയായിരുന്ന എം.എ ബേബിയും 13ാം നമ്പര്‍ കാര്‍ ചോദിച്ചുവാങ്ങിയിരുന്നു.

Ministers belonging to the UDF have once again avoided using vehicles bearing the number 13, continuing a long-followed political tradition linked to superstition and personal beliefs. The reluctance to accept the number has resurfaced during the allocation of official ministerial vehicles, drawing public attention to the persistence of such practices in politics.