പട്ടിക്കാട് (മലപ്പുറം): സമസ്ത കേരളാ ജംഇയ്യതുൽ മുഅല്ലിമീൻ ത്രൈമാസ ആദർശ കാംപയിന് തുടക്കമായി.  
സംസ്ഥാനതല ഉദ്ഘാടനം പട്ടിക്കാട് മണ്ണാർമലയിൽ  സമസ്ത  ഉപാധ്യക്ഷൻ നെല്ലായ കുഞ്ഞിമുഹമ്മദ് മുസ് ലിയാർ നിർവഹിച്ചു. വിശുദ്ധ ഇസ്‌ലാമിന്റെ പാരമ്പര്യത്തെ വികൃതമാക്കി മുസ് ലിം ഭൂരിപക്ഷത്തെ അവിശ്വാസികളും ബഹുദൈവാരാധകരുമാക്കി പ്രചരിപ്പിക്കുന്ന വഹാബി ചിന്താഗതി സമൂഹത്തിന് വരുത്തിയ നാശം ഗുരുതരമാണെന്നും, തെറ്റുതിരുത്താനുള്ള മാർഗം ഇസ്‌ലാമിന്റെ അടിസ്ഥാന പ്രമാണങ്ങളിലേക്ക് മടങ്ങലാണെന്നും അദ്ദേഹം ഉദ്‌ബോധിപ്പിച്ചു. പുത്തനാശയങ്ങളെ എതിർക്കുന്നതിനാണ്  സമസ്ത കേരളാ ജംഇയ്യതുൽ ഉലമായുടെ രൂപീകരണമെന്നും അദ്ദേഹം പറഞ്ഞു.

 സെൻട്രൽ കൗൺസിൽ ജനറൽ സെക്രട്ടറി കൊടക് അബ്ദുറഹ്‌മാൻ മുസ് ലിയാർ ചടങ്ങിൽ അധ്യക്ഷനായി.
 ഒ.എം.എസ് തങ്ങൾ നിസാമി മേലാറ്റൂർ പ്രാർഥന നടത്തി. സമസ്ത മുശാവറ അംഗങ്ങളായ അസ്ഗറലി ഫൈസി പട്ടിക്കാട്, അലവി ഫൈസി കൊളപ്പറമ്പ് എന്നിവർ അനുഗ്രഹപ്രഭാഷണം നടത്തി. എസ്.വൈ.എസ് സംസ്ഥാന വർക്കിങ് സെക്രട്ടറി അബ്ദുൽ ഹമീദ് ഫൈസി അമ്പലക്കടവ്, എം.ടി അബൂബക്കർ ദാരിമി, ജസീൽ കമാലി വിഷയാവതരണം നടത്തി. സൈതലവിക്കോയ തങ്ങൾ അസ്ഹരി, ഹബീബുല്ല തങ്ങൾ, ആനമങ്ങാട് മുഹമ്മദ് കുട്ടി ഫൈസി, എൻ.അബൂബക്കർ മാസ്റ്റർ, മുഹമ്മദലി ഫൈസി കോട്ടോപാടം, ടി.കെ മുഹമ്മദ് കുട്ടി ഫൈസി പട്ടാമ്പി, കെ.ടി ഹുസൈൻകുട്ടി മുസ് ലിയാർ സംബന്ധിച്ചു.