ബംഗളുരു: കര്‍ണാടക മുഖ്യമന്ത്രി സിദ്ധരാമയ്യ ഇന്ന് രാജി നല്‍കിയേക്കും. രാവിലെ മുഖ്യ മന്ത്രിയുടെ ഔദ്യോഗിക വസതിയില്‍ മന്ത്രിമാരുടെ പ്രാതല്‍ ചര്‍ച്ച നടക്കുമെന്നും ഇതില്‍ രാജിക്കാര്യം സിദ്ധരാമയ്യ അവതരിപ്പിക്കുമെന്നുമാണ് സൂചന. തുടര്‍ന്ന് ലോക്ഭവനിലെത്തി രാജിക്കത്ത് കൈമാറുമെന്നാണ് കോണ്‍ഗ്രസ് വൃത്തങ്ങളില്‍ നിന്നുള്ള വിവരം. രാവിലെ 11 മണിക്ക് ഗവര്‍ണര്‍ താവര്‍ചന്ദ് ഗെഹ്ലാത്തുമായി മുഖ്യമ ന്ത്രി കൂടിക്കാഴ്ചയ്ക്ക് സമയം തേ ടിയിട്ടുണ്ട്.

സിദ്ധരാമയ്യ രാജിനല്‍കിയാല്‍ നാളെ നിയമസഭാ കക്ഷി യോഗം വിളിച്ചു ചേര്‍ത്ത് ഡി. കെ ശിവകുമാറിനെ നേതാവായി തെരഞ്ഞെടുക്കാനാണ് നീക്കം. അങ്ങനെയെങ്കില്‍, അടുത്ത ആഴ്ച ആദ്യംതന്നെ പുതിയ മന്ത്രിസഭയുടെ സ്ത്യപ്രതിജ്ഞ ഉണ്ടായേക്കും. അതേസമയം, നേതൃമാറ്റ വാര്‍ത്തകളോട് കോണ്‍ഗ്രസ് ഹൈക്കമാന്‍ഡും സംസ്ഥാന നേതാക്കളും ഒദ്യോഗികമായി പ്രതികരിച്ചിട്ടില്ല. നേതൃമാറ്റ വാര്‍ത്തകള്‍ തികച്ചും അഭ്യൂഹങ്ങള്‍ മാത്രമാണെന്നാണ് നേതൃത്വം ചൊവ്വാഴ്ച പറഞ്ഞത്.