ന്യൂഡല്‍ഹി: ഉയര്‍ന്ന അളവില്‍ എഥനോള്‍ കലര്‍ത്തിയ പെട്രോളിന്റെ തീരുവ ഒഴിവാക്കി കേന്ദ്രം. 22% മുതല്‍ 30% വരെ എഥനോള്‍ കലര്‍ത്തിയ പെട്രോളിനാണ് തീരുവ ഒഴിവാക്കിയിരിക്കുന്നത്. 22%, 25%, 27%, 30% എന്നീ ക്രമത്തില്‍ എഥനോള്‍ കലര്‍ത്തിയ പെട്രോളിനാണ് (E22, E25, E27, E30) സെന്‍ട്രല്‍ എക്സൈസ് ഡ്യൂട്ടി ഒഴിവാക്കിയിരിക്കുന്നത്. അടിസ്ഥാന എക്സൈസ് ഡ്യൂട്ടിക്ക് പുറമെ റോഡ് ആന്‍ഡ് ഇന്‍ഫ്രാസ്ട്രക്ചര്‍ സെസ്, കാര്‍ഷിക ഇന്‍ഫ്രാസ്ട്രക്ചര്‍ സെസ് (AIDC) എന്നിവയും നീക്കം ചെയ്തിട്ടുണ്ട്.

ALSO READ: ഉത്തരാഖണ്ഡില്‍ ജാതിക്കൊല; പ്ലസ് ടു വിദ്യാര്‍ഥിക്ക് ദാരുണാന്ത്യം; പെണ്‍കുട്ടിയുമായുള്ള സൗഹൃദത്തെ ചൊല്ലി ക്രൂരമര്‍ദ്ദനം; കാലില്‍ ഇരുമ്പ് ആണി അടിച്ചുകയറ്റി

ഉയര്‍ന്ന അളവില്‍ എഥനോള്‍ അടങ്ങുന്ന ഇന്ധനത്തിന്റെ ഉപഭോഗം പ്രോത്സാഹിപ്പിക്കുക ലക്ഷ്യമിട്ടുള്ളാണ് പുതിയ നീക്കം.
ഇന്ത്യ ലോകത്തിലെ മൂന്നാമത്തെ വലിയ എണ്ണ ഇറക്കുമതി രാജ്യമാണ്. ഇന്ത്യയുടെ ക്രൂഡ് ഓയില്‍ ആവശ്യകതയുടെ ഏകദേശം 90 ശതമാനവും ഇറക്കുമതിയെ ആശ്രയിക്കുന്നു.  പരിസ്ഥിതി മലിനീകരണം കുറക്കുക, എണ്ണ ഇറക്കുമതിയെ ആശ്രയിക്കുന്നത് ലഘൂകരിക്കുക എന്നിവ ലക്ഷ്യമിട്ടാണ് പെട്രോളില്‍ എഥനോള്‍ കലര്‍ത്തി തുടങ്ങുന്നത്. 

ഇതുസംബന്ധിച്ച ഔദ്യോഗിക വിജ്ഞാപനം ബുധനാഴ്ച പുറത്തിറങ്ങി. ഇന്ധനത്തിന്റെ നികുതി ഒഴിവാക്കുന്നതോടെ ഉയര്‍ന്ന അളവില്‍ എഥനോള്‍ അടങ്ങിയ പെട്രോള്‍ വില കുറയാന്‍ ഇത് കാരണമായേക്കും. 

the central government has exempted excise duty on high ethanol blended petrol including e22, e25, e27 and e30 fuels to promote cleaner energy and reduce dependence on crude oil imports.