കുവൈത്ത് സിറ്റി: കിങ് അബ്ദുൽ അസീസ് ബിൻ അബ്ദുൽ റഹ്മാൻ അൽ സഊദ് റോഡിലെ (ഫഹാഹീൽ റോഡ്) പ്രധാന പാതയിൽ ഭാഗിക ഗതാഗത നിയന്ത്രണം ഏർപ്പെടുത്തിയതായി ജനറൽ ട്രാഫിക് വകുപ്പ് അറിയിച്ചു. ഷുഐബ പ്രദേശത്തിന് എതിര്‍വശത്തുള്ള ഭാഗത്ത്, ഇരുവശത്തുമുള്ള എമർജൻസി ലെയിൻ, സ്ലോ റൈറ്റ് ലെയിൻ, കൂടാതെ മിഡിൽ ലൈനിന്റെ പകുതി ഭാഗം എന്നിവ 20 ദിവസത്തേക്ക് അടച്ചിടുമെന്നാണ് അധികൃതരുടെ മുന്നറിയിപ്പ്.

ALSO READ: കുവൈത്ത് എയർവെയ്‌സ് സർവിസുകൾ പുനഃരാരംഭിച്ചു; റദ്ദാക്കലിനും മാറ്റങ്ങൾക്കും ഫീസ് ഒഴിവാക്കി

റോഡ് പരിപാലനവും ബന്ധപ്പെട്ട പ്രവർത്തനങ്ങളും സുരക്ഷിതമായി നടത്തുന്നതിനായാണ് ഈ നിയന്ത്രണം ഏർപ്പെടുത്തിയിരിക്കുന്നത്. ഡ്രൈവർമാർ മുൻകരുതലോടെ യാത്ര ചെയ്യണമെന്നും നിർദേശിച്ച വഴിതിരിവുകൾ പാലിക്കണമെന്നും ട്രാഫിക് വകുപ്പ് അഭ്യർഥിച്ചു. ഗതാഗത തടസ്സം കുറയ്ക്കുന്നതിനായി വാഹനയാത്രികർക്ക് മുൻകൂട്ടി യാത്രാ പദ്ധതികൾ തയ്യാറാക്കണമെന്ന് അധികൃതർ അറിയിച്ചു.

Kuwait's General Traffic Department announces a 20-day partial closure on Fahaheel Road near Shuaiba for maintenance work. Drivers urged to use caution.