തിരുവനന്തപുരം: സംസ്ഥാനത്ത് വീണ്ടും വൈദ്യുതി നിയന്ത്രണം ഏര്‍പ്പെടുത്തുന്നു. വൈദ്യുതി ലഭ്യതയില്‍ വന്‍ കുറവ് രേഖപ്പെടുത്തിയ സാഹചര്യത്തിലാണ് നിയന്ത്രണം ഏര്‍പ്പെടുത്തുന്നതെന്ന് കെഎസ്ഇബി അറിയിച്ചു. വൈകുന്നേരം ആറിനും, രാത്രി 12നും ഇടയില്‍ പവര്‍കട്ട് ഏര്‍പ്പെടുത്താനാണ് തീരുമാനം. 

ജൂണ്‍ 30 വരെ നിയന്ത്രണത്തിന് സാധ്യതയുണ്ടെന്നാണ് വിവരം. ഇത്തവണ വൈദ്യുതി ലഭ്യതയില്‍ 900 മെഗാവാട്ടിന്റെ കുറവാണ് രേഖപ്പെടുത്തിയത്. മഴക്കാലയമായതിനാല്‍ സാധാരണ ജൂണ്‍, ജൂലൈ മാസങ്ങളില്‍ വൈദ്യുതി നിയന്ത്രണം ഏര്‍പ്പെടുത്താറില്ല. എന്നാല്‍ ഇത്തവണ അസാധാരണമായ വൈദ്യുതി പ്രതിസന്ധിയാണ് സംസ്ഥാനം നേരിടുകയാണെന്നാണ് റിപ്പോര്‍ട്ടുകള്‍.

പസഫിക് സമുദ്രത്തില്‍ എല്‍നിനോ പ്രതിഭാസം രൂപപ്പെട്ടത് അന്തരീക്ഷ താപനില ഉയരാന്‍ കാരണമായിട്ടുണ്ട്. ഇത് കാരണം വടക്കന്‍ സംസ്ഥാനങ്ങളിലെല്ലാം കടുത്ത ചൂടാണ് അനുഭവപ്പെടുന്നത്. ഇത് ഉയര്‍ന്ന വൈദ്യുതി ഉപഭോഗത്തിന് കാരണമായെന്നും, അതിനാല്‍ വൈദ്യുതി ലഭ്യത കുറയുകയും ചെയ്‌തെന്നാണ് കെഎസ്ഇബി നല്‍കുന്ന വിശദീകരണം. 

നിലവിലെ സാഹചര്യം കണക്കിലെടുത്താണ് വൈദ്യുതി നിയന്ത്രണത്തിലേക്ക് കെ.എസ്.ഇ.ബി കടക്കുന്നത്.