തെഹ്‌റാന്‍: കരാര്‍ ഒപ്പുവെച്ച ശേഷവും ലൈബനാനില്‍ ആക്രമണം തുടര്‍ന്ന് ഇസ്‌റാഈല്‍. ആക്രമണം അവസാനിച്ചില്ലെങ്കില്‍ 'ശക്തമായ മറുപടി' നല്‍കുമെന്ന് ഇറാന്‍ മുന്നറിയിപ്പ് നല്‍കി. കരാര്‍ നിലവില്‍ വന്നതിനുശേഷം ഇസ്‌റാഈല്‍ 84 തവണ കരാര്‍ ലംഘിച്ചതായി ഇറാന്‍ ചൂണ്ടിക്കാട്ടി. 

തെക്കന്‍ ലെബനാനില്‍ ഇസ്‌റാഈല്‍ സൈന്യം നാല് പേരെ വധിച്ചതിന് പിന്നാലെയാണ് ഈ മുന്നറിയിപ്പ് വന്നിരിക്കുന്നത്. അതേസമയം, ഇസ്‌റാഈല്‍ പ്രധാനമന്ത്രി ബിന്യാമിന്‍ നെതന്യാഹുവിനെ വിമര്‍ശിച്ച യു.എസ് പ്രസിഡന്റ് ഡൊണാള്‍ഡ് ട്രംപ്, ലെബനന്‍ വിഷയത്തില്‍ അദ്ദേഹം 'കൂടുതല്‍ ഉത്തരവാദിത്തം' കാണിക്കണമെന്ന് ആവശ്യപ്പെടുകയും ചെയ്തു.

ALSO READ: പെട്രോൾ- ഡീസൽ വില കുറയുമോ? എണ്ണവില കുത്തനെ ഇടിഞ്ഞ് ബാരലിന് 79 ഡോളറായി

'ടാങ്കര്‍ ട്രാക്കേഴ്‌സ്' (TankerTrackers) നല്‍കുന്ന വിവരങ്ങള്‍ പ്രകാരം, ഇറാനിയന്‍ എണ്ണയുമായി പോയ മൂന്നാമത്തെ ടാങ്കര്‍ കപ്പല്‍ ഒമാന്‍ ഉള്‍ക്കടലിലെ യുഎസ് നാവികസേനയുടെ ഉപരോധരേഖ മറികടന്ന് യാത്ര തിരിച്ചു.

യു.എസ് നാവിക ഉപരോധം പിന്‍വലിച്ചതിന് പിന്നാലെ ഹോര്‍മുസ് വഴി ഇന്നലെ 13 കപ്പലുകള്‍ കടന്നുപോയി. കരാറിന്റെ ഭാഗമായി ഇറാന് ഉടന്‍ എണ്ണയും ഇന്ധനവും വില്‍ക്കാന്‍ അമേരിക്ക അനുമതി നല്‍കുമെന്ന് ഉദ്യോഗസ്ഥരെ ഉദ്ധരിച്ച് വാള്‍ സ്ട്രീറ്റ് ജേര്‍ണല്‍ റിപ്പോര്‍ട്ട് ചെയ്യുന്നു. എണ്ണവില നാല് ശതമാനം കൂടി ഇടിഞ്ഞ് ബാരലിന് 79 ഡോളറിലെത്തി.

അതിനിടെ, അമേരിക്കയുമായുള്ള ഏതൊരു കരാറിലും ഇറാന്റെ മരവിപ്പിച്ച ആസ്തികള്‍ വിട്ടയക്കല്‍, ഉപരോധങ്ങളില്‍ നിന്നുള്ള ഇളവ്, ലെബനാനില്‍ നിന്നുള്ള ഇസ്‌റാഈലിന്റെ പിന്മാറ്റം എന്നിവ ഉള്‍പ്പെടുത്തണമെന്ന് ഇറാന്റെ വിദേശകാര്യ മന്ത്രി അബ്ബാസ് അരാഗ്ചി ആവര്‍ത്തിച്ചു.

iran has warned of a strong response if israel continues attacks in lebanon after repeated ceasefire violations were alleged. the developments come amid rising middle east tensions and fresh discussions over us-iran agreements.