മാരിടൈം മേഖലയില്‍ ആധുനിക കോഴ്‌സുകള്‍ വാഗ്ദാനം ചെയ്യുന്ന സര്‍വകലാശാലയാണ് ഇന്ത്യന്‍ മാരിടൈം സര്‍വകലാശാല (IMU). മികച്ച തൊഴില്‍ സാധ്യതകളുള്ള പതിനഞ്ചിലധികം പ്രോഗ്രാമുകള്‍ ഈ സര്‍വകലാശാലയിലുണ്ട്. കൊച്ചി, ചെന്നൈ, വിശാഖപട്ടണം, കൊല്‍ക്കത്ത, നവിമുംബൈ, മുംബൈ പോര്‍ട്ട് എന്നിവയാണ് ക്യാമ്പസുകള്‍. 17 അഫിലിയേറ്റഡ് സ്ഥാപനങ്ങളുണ്ട്. കേന്ദ്ര തുറമുഖ ഷിപ്പിങ് മന്ത്രാലയത്തിന് കീഴിലുള്ള സര്‍വകലാശാലയാണിത്. 

2024-25 വര്‍ഷത്തെ വിവിധ യു.ജി, പിജി പ്രോഗ്രാമുകള്‍ക്കുള്ള പ്രവേശന പരീക്ഷയ്ക്ക് സര്‍വകലാശാല അപേക്ഷ ക്ഷണിച്ചു. പൊതുപ്രവേശന പരീക്ഷ (IMUCET) ജൂണ്‍ 8ന് നടക്കും. കേരളത്തില്‍ കണ്ണൂര്‍, കോഴിക്കോട്, തൃശൂര്‍, പാലക്കാട്, കൊച്ചി, കോട്ടയം, കൊല്ലം, തിരുവനന്തപുരം എന്നിവ പരീക്ഷ കേന്ദ്രങ്ങളാണ്. 

പ്രോഗ്രാമുകള്‍

യുജി
മൂന്നുവര്‍ഷ ബി.എസ്.സി നോട്ടിക്കല്‍ സയന്‍സ് സര്‍വകലാശാലയുടെ കൊച്ചി, ചെന്നൈ, നവിമുംബൈ ക്യാമ്പസിലും മൂന്ന് വര്‍ഷ ബി.എസ്.സി ഷിപ് ബില്‍ഡിങ് ആന്‍ഡ് റിപ്പയര്‍ കോഴ്‌സ് പാലക്കാട്ടെ അഫിലിയേറ്റ് സ്ഥാനപത്തിലും മാരിടൈം ലോജിസ്റ്റിക്‌സ് എംബഡഡ് ബിബിഎ വിശാഖപട്ടണം ക്യാമ്പസിലുമാണ് നടക്കുന്നത്. 

ബിബിഎ ലോജിസ്റ്റിക്‌സ് റീറ്റേലിങ് ആന്‍ഡ് ആന്‍ഡ് ഇ- കൊമേഴ്‌സ് കോഴ്‌സ് കൊച്ചി, ചെന്നൈ ക്യാമ്പസുകളിലുണ്ട്. ബി.ടെക് മറൈന്‍ എഞ്ചിനീയറിങ് ചെന്നൈ, കൊല്‍ക്കത്ത, മുംബൈ പോര്‍ട്ട് ക്യാമ്പസിലും ബി.ടെക് നേവല്‍ എഞ്ചിനീയറിങ് ആന്‍ഡ് ഷിപ് ടെക്‌നോളജി, നേവല്‍ ആര്‍കിടെക്ച്ചര്‍ ആന്‍ഡ് ഓഷ്യന്‍ എഞ്ചിനീയറിങ് എന്നീ കോഴ്‌സുകള്‍ വിശാഖപട്ടണം ക്യാമ്പസിലും. 

പിജി
എം.ബി.എ ഇന്റര്‍നാഷനല്‍ ട്രാന്‍സ്‌പോര്‍ട്ടേഷന്‍ ആന്‍ഡ് ലോജിസ്റ്റിക്‌സ് മാനേജ്‌മെന്റ് കോഴ്‌സ് കൊച്ചി, ചെന്നൈ, കൊല്‍ക്കത്ത, വിശാഖപട്ടണം ക്യാമ്പസുകളില്‍ പഠിക്കാം. എംബിഎ പോര്‍ട്ട് ആന്‍ഡ് ഷിപ്പിങ് മാനേജ്‌മെന്റ് കോഴ്‌സ് കൊച്ചി, ചെന്നൈ ക്യാമ്പസിലും എംടെക് മറൈന്‍ ടെക്‌നോളജി കോഴ്‌സ് കൊല്‍ക്കത്ത ക്യാമ്പസിലും എം.ടെക് നാവല്‍ ആര്‍കിടെക്ച്ചര്‍ ആന്‍ഡ് ഓഷ്യന്‍ എഞ്ചിനീയറിങ്, എംടെക് ഡ്രഡ്ജിങ് ആന്‍ഡ് ഹാര്‍ബര്‍ എഞ്ചിനീയറിങ് കോഴ്‌സുകള്‍ വിശാഖപട്ടണം ക്യാമ്പസിലും ഉണ്ട്. 

ഡിപ്ലോമ 
നോട്ടിക്കല്‍ സയന്‍സ്, മറൈന്‍ എഞ്ചിനീയറിങ് എന്നീ വിഷയങ്ങളില്‍ ഒരു വര്‍ഷത്തെ ഡിപ്ലോമ കോഴ്‌സും വിവിധ ക്യാമ്പസുകളില്‍ ഉണ്ട്. 

വിപുലമായ സാധ്യതകള്‍
മറൈന്‍ എഞ്ചിനീയര്‍, നാവല്‍ ആര്‍കിടെക്ട്, മറൈന്‍ ഓപ്പറേഷന്‍ മാനേജര്‍, മറൈന്‍ ഇന്‍ഷുറന്‍സ് സ്‌പെഷ്യലിസ്റ്റ്, മറൈന്‍ ടെര്‍മിനല്‍ മാനേജര്‍, ഡക്ക് ഓഫീസര്‍, മറൈന്‍ പൈലറ്റ്, പ്രൊജക്ട് മാനേജര്‍ മറൈന്‍ കണ്‍സള്‍ട്ടന്റ് തുടങ്ങിയ വിവിധ ജോലികളിലേക്ക് നയിക്കുന്നതാണ് ഇത്തരം കോഴ്‌സുകള്‍. വിദ്യാര്‍ഥികള്‍ക്ക് സ്‌കോളര്‍ഷിപ്പുകള്‍ ലഭ്യമാണ്. 

www.imu.edu.in, ഫോണ്‍: 04424539020, 24539027, 24539028. 

ഇ-മെയില്‍: [email protected]. 

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക