കൊച്ചി: സി.എം.ആര്‍.എല്‍ എക്‌സാലോജിക് സാമ്പത്തിക ഇടപാടുമായി ബന്ധപ്പെട്ട കള്ളപ്പണക്കേസില്‍ മുന്‍ മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയന്റെ മകള്‍ ടി. വീണയെ എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി) ചോദ്യം ചെയ്തു. കൊച്ചിയിലെ ഇ.ഡി ഓഫിസില്‍ വച്ച് എട്ടര മണിക്കൂറോളം നീണ്ട വിശദമായ ചോദ്യം ചെയ്യലിന് ശേഷമാണ് വീണയെ വിട്ടയച്ചത്. കേന്ദ്ര ഏജന്‍സിയുടെ നോട്ടീസ് പ്രകാരം രാവിലെ പത്തരയോടെ ഭര്‍ത്താവും എം.എല്‍.എയുമായ പി.എ മുഹമ്മദ് റിയാസിനൊപ്പമാണ് വീണ ഓഫീസിലെത്തിയത്. തുടര്‍ന്ന് പതിനൊന്ന് മണിയോടെ ആരംഭിച്ച ചോദ്യം ചെയ്യല്‍ രാത്രി ഏഴരയോടെയാണ് അവസാനിച്ചത്.

ഇ.ഡി ഡെപ്യൂട്ടി ഡയറക്ടറുടെ നേതൃത്വത്തിലുള്ള മുതിര്‍ന്ന ഉദ്യോഗസ്ഥ സംഘമാണ് ചോദ്യം ചെയ്യലിന് നേതൃത്വം നല്‍കിയത്. വീണയുടെ ഉടമസ്ഥതയിലുള്ള ഐ.ടി കമ്പനിയായ എക്‌സാലോജിക് സൊല്യൂഷന്‍സ്, കരിമണല്‍ കമ്പനിയായ സി.എം.ആര്‍.എല്ലില്‍ നിന്ന് സേവനങ്ങളൊന്നും നല്‍കാതെ 2.78 കോടി രൂപ കൈപ്പറ്റിയെന്ന കണ്ടെത്തലിന്റെ അടിസ്ഥാനത്തിലായിരുന്നു ഇ.ഡിയുടെ നടപടി.

സി.എം.ആര്‍.എല്ലിന് എന്ത് തരത്തിലുള്ള ഐ.ടി സേവനങ്ങളാണ് എക്‌സാലോജിക് നല്‍കിയതെന്ന കാര്യത്തില്‍ ഇ.ഡി വ്യക്തത തേടി. കേസുമായി ബന്ധപ്പെട്ട് മുന്‍പ് പിണറായി വിജയന്റെ വീട്ടില്‍ നിന്നടക്കം നടത്തിയ പരിശോധനകളില്‍ ലഭിച്ച രേഖകളുടെ അടിസ്ഥാനത്തിലായിരുന്നു ഉദ്യോഗസ്ഥരുടെ ചോദ്യം ചെയ്യല്‍.

The Enforcement Directorate (ED) questioned T. Veena, daughter of former Kerala Chief Minister Pinarayi Vijayan, for nearly eight and a half hours in Kochi regarding the alleged illegal financial transactions between her IT firm Exalogic and mining company CMRL.