ന്യൂഡല്‍ഹി: മുല്ലപ്പെരിയാര്‍ അണക്കെട്ട് വിദഗ്ധ സമിതിയില്‍ നിന്ന് കേരള പ്രതിനിധിയെ നീക്കി കേന്ദ്രം. ടി.കെ. ശിവരാജനെയാണ് കേന്ദ്രം ഏകപക്ഷീയമായി നീക്കിയത്. പകരം ഉത്തര്‍പ്രദേശ് സ്വദേശി എം.എല്‍. ശര്‍മയെയെ ആണ് നിയമിച്ചത്. 

പരിശോധനയ്ക്കായി ഈ വര്‍ഷം ജനുവരിയില്‍ രൂപീകരിച്ച സമിതിയില്‍ നിന്നാണ് കേരളം നിര്‍ദ്ദേശിച്ച വിദഗ്ധനെ ഒഴിവാക്കിയത്. 

വ്യക്തിപരമായ കാരണങ്ങളാലാണ് ശിവരാജന്‍ ഒഴിഞ്ഞത് എന്നാണ് ഉത്തരവില്‍ പറയുന്നത്. എന്നാല്‍ സര്‍ക്കാരിന്റെ ഏകപക്ഷിയ നടപടിയാണിതെന്ന് ശിവരാജന്‍ ആരോപിച്ചു. അണക്കെട്ടിന്റെ സമഗ്ര സുരക്ഷാ വിലയിരുത്തലിനായി ദേശീയ ഡാം സുരക്ഷാ അതോറിറ്റി രൂപീകരിച്ച സ്വതന്ത്ര വിദഗ്ധ സമിതിയെയാണ് പുനഃസംഘടിപ്പിച്ചത്.

ഐ.ഐ.ടി റൂര്‍ക്കിയിലെ ഭൂകമ്പ എഞ്ചിനീയറിംഗ് വിഭാഗം പ്രൊഫസറും ഇന്റര്‍നാഷണല്‍ സെന്റര്‍ ഓഫ് എക്‌സലന്‍സ് ഫോര്‍ ഡാംസ് മേധാവിയുമാണ് പ്രൊഫ. എം.എല്‍. ശര്‍മ്മ.

The Central Government has removed Kerala’s representative from the expert committee overseeing matters related to the Mullaperiyar Dam and appointed a member from Uttar Pradesh as a replacement. The decision has drawn attention due to the dam’s long-standing significance in Kerala-Tamil Nadu water management and safety discussions.