കാഞ്ഞങ്ങാട്: ഹൈവേ പട്രോളിങ്ങിന്റെ ഭാഗമായി നിര്‍ത്തിയ പൊലിസ് ജീപ്പില്‍ നിയന്ത്രണം തെറ്റിയെത്തിയ കാര്‍ ഇടിച്ച് പരുക്കേറ്റ് മംഗളൂരുവിലെ ആശുപത്രിയില്‍ ചികിത്സയില്‍ കഴിയുന്ന സിവില്‍ പൊലിസ് ഓഫിസര്‍ കെ.എം സൂരജിന്റെ രണ്ടാമത്തെ കാലും മുറിച്ചുമാറ്റി.

മംഗളുരുവിലെ സ്വകാര്യ ആശുപത്രിയിലായിരുന്നു ശസ്ത്രക്രിയ. 70 ശതമാനത്തിലേറെ പരുക്കേറ്റ കാലില്‍ ഒന്നിലേറെ ശസ്ത്രക്രിയകള്‍ നടത്തിയിരുന്നു. എന്നിട്ടും ഫലം കാണാത്തതിനെ തുടര്‍ന്നാണ് രണ്ടാത്തെ കാലും മുറിച്ചുമാറ്റേണ്ടി വന്നത്. 

അപകടത്തില്‍ പരുക്കേറ്റ മറ്റൊരു പൊലിസ് ഉദ്യോഗസ്ഥന്‍ അലോഷ്യസിന്റെ ഒരു കാലും നേരത്തെ മുറിച്ചുമാറ്റിയിരുന്നു. ശസ്ത്രക്രിയ നടത്തിയെങ്കിലും മറ്റ് അവയവങ്ങളെ കൂടി ബാധിക്കുമെന്നതിനാലാണ് കാലുകള്‍ നീക്കിയത്.

വാഹന പരിശോധനയ്ക്കിടെ നിയന്ത്രണം വിട്ട കാര്‍ പൊലിസ് വാഹനത്തിന് പിറകില്‍ നില്‍ക്കുകയായിരുന്ന പൊലിസുകാരെ ഇടിക്കുകയായിരുന്നു. ഉടന്‍ തന്നെ കാഞ്ഞങ്ങാട്ടെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും പരുക്ക് ഗുരുതരമായതിനാല്‍ മംഗളൂരുവിലേക്ക് മാറ്റുകയായിരുന്നു. പൊലിസ് ക്ലബിലെ മുന്‍ ഫുട്‌ബോള്‍ താരം കൂടിയാണ് സൂരജ്.

Civil Police Officer Suraj, who sustained severe injuries after being hit by a car while on patrol duty, has undergone amputation of his second leg due to the extent of his injuries. He continues to receive medical treatment as doctors monitor his condition