കൊച്ചി: രാജ്യത്ത് പാലിനും പാൽ ഉൽപ്പന്നങ്ങൾക്കും ആവശ്യകതയേറുന്നതായി റിപ്പോർട്ട്. ഇന്ത്യയിലെ ഓർഗനൈസ്ഡ് ഡയറി മേഖല ഈ സാമ്പത്തിക വർഷത്തിൽ ശക്തമായ വളർച്ച കൈവരിക്കുമെന്നാണ് ക്രിസിൽ (CRISIL) റിപ്പോർട്ട് സൂചിപ്പിക്കുന്നത്. കഴിഞ്ഞ വർഷം 11% വളർച്ചയാണ് രേഖപ്പെടുത്തിയത്. അതേസമയം നടപ്പ് സാമ്പത്തിക വർഷത്തിൽ വളർച്ചാ നിരക്ക് വീണ്ടും 200 മുതൽ 400 ബേസിസ് പോയിന്റ് വരെ ഉയർന്നേക്കുമെന്നാണ് വിലയിരുത്തന്നത്.

മൂല്യവർധിത ഡയറി ഉൽപ്പന്നങ്ങളുടെ വിപണിയിലുണ്ടായ കുതിച്ചുചാട്ടമാണ് ഈ നേട്ടത്തിന് പ്രധാന കരുത്താകുന്നത്. നിലവിൽ 8 മുതൽ 10 ശതമാനം വരെയുള്ള സ്ഥിരതയാർന്ന വളർച്ചയാണ് ഈ വിഭാഗത്തിൽ പ്രകടമാകുന്നത്. എന്നാൽ ഡയറി മേഖല വലിയ വളർച്ച പ്രകടമാക്കുമ്പോഴും ഉൽപ്പാദനച്ചെലവ് ഉയരുന്നത് വ്യവസായത്തിന് വെല്ലുവിളിയാകുന്നുണ്ട്. പാൽ ശേഖരിക്കുന്നതിനുള്ള ചെലവുകൾ ഗണ്യമായി വർധിച്ചതാണ് പ്രധാനമായും വെല്ലുവിളി സൃഷ്ടിക്കുന്നത്. പശുക്കളുടെ തീറ്റച്ചെലവ് ഉയർന്നതും കർഷകർക്ക് തിരിച്ചടിയാവുന്നു.

ചെലവുകൾ വർധിക്കുന്ന സാഹചര്യത്തിൽ പാലിന്റെയും മറ്റ് അനുബന്ധ ഉൽപ്പന്നങ്ങളുടെയും വിലയിൽ 45% വരെ വർധനവുണ്ടായേക്കാമെന്നാണ് റിപ്പോർട്ടുകൾ സൂചിപ്പിക്കുന്നത്. റീട്ടെയിൽ വിപണിയിലെ വിലയിൽ 56% വരെ വർധനവിന് ഇത് കാരണമായേക്കാം.

കാലാവസ്ഥാ വ്യതിയാനവും പാലിന്റെ ലഭ്യതയെ പ്രതികൂലമായി ബാധിക്കുന്നുണ്ട്. എൽ നിനോ പ്രതിഭാസത്തിന്റെ സ്വാധീനവും കടുത്ത വേനലും കാരണം പാലിന്റെ ഉൽപ്പാദനത്തിൽ കുറവുണ്ടാകാൻ സാധ്യതയുണ്ട്. മഴ കുറയുന്നതും അന്തരീക്ഷ താപനില ഉയരുന്നതും പശുക്കളുടെ പാലുത്പാദന ശേഷിയെ ബാധിക്കുന്നതിനാൽ, ഉൽപ്പാദന വളർച്ചാ നിരക്ക് 4 ശതമാനത്തിലേക്ക് താഴ്ന്നേക്കാമെന്നും വിലയിരുത്തപ്പെടുന്നു.

കാലാവസ്ഥാ വ്യതിയാനങ്ങളും ഉൽപ്പാദനച്ചെലവിലെ വർധനവും ഡയറി മേഖലയ്ക്ക് വെല്ലുവിളി ഉയർത്തുന്നുണ്ടെങ്കിലും, വിപണിയിലെ ശക്തമായ ആവശ്യകതയും മൂല്യവർധിത ഉൽപ്പന്നങ്ങളുടെ വിപണനവും ഇന്ത്യൻ ഡയറി വ്യവസായത്തിന് ഈ വർഷവും മികച്ച കൈത്താങ്ങാകുമെന്നാണ് ക്രിസിൽ റിപ്പോർട്ട് വ്യക്തമാക്കുന്നത്.

According to a recent CRISIL report, India's dairy sector is on track for significant growth. This positive trend is primarily driven by a steady and rising domestic demand for both liquid milk and value-added dairy products across the country.