തൃശ്ശൂര്‍: തൃശൂരില്‍ ലോഡ്ജില്‍ യുവതിയേയും നവജാത ശിശുവിനെയും മരിച്ച നിലയില്‍ കണ്ടെത്തി. തൃശൂര്‍ എടമുട്ടം സ്വദേശിനി ജ്യോതി (30) ആണ് മരിച്ചത്. തൃശ്ശൂര്‍ നഗരമധ്യത്തിലെ ലോഡ്ജിലാണ് സംഭവം. 

കഴിഞ്ഞ 27നാണ് ഓട്ടോ ഡ്രൈവര്‍ക്കൊപ്പമെത്തിയ യുവതി മുറിയെടുത്തത്. എടമുട്ടം സ്വദേശി, ജ്യോതി എന്നാണ് യുവതി റിസപ്ഷനില്‍ നല്‍കിയിരിക്കുന്ന വിവരങ്ങള്‍.

ഇന്ന് ഉച്ചയോടെ ഓട്ടോ ഡ്രൈവര്‍ റിസപ്ഷനിലെത്തി, രണ്ട് ദിവസമായി യുവതി വിളിച്ചിട്ട് ഫോണെടുക്കുന്നില്ല എന്ന് അറിയിച്ചു. തുടര്‍ന്ന് മുറിയുടെ വാതില്‍ തുറന്നു നോക്കിയപ്പോഴാണ് ഇരുവരെയും മരിച്ച നിലയില്‍ കണ്ടെത്തിയത്. 

മുറി ഉളളില്‍ നിന്നും പൂട്ടിയതിനാല്‍ ലോഡ്ജ് ജീവനക്കാര്‍ പൊലിസിനെ അറിയിക്കുകയും തുടര്‍ന്ന് അഗ്നിരക്ഷാസേനയെത്തി വാതില്‍ പൊളിക്കുകയുമായിരുന്നു. പ്രസവത്തെ തുടര്‍ന്നാണ് മരണമെന്നാണ് പൊലിസിന്റെ പ്രാഥമിക നിഗമനം. 

സുഹൃത്തായ ഓട്ടോ ഡ്രൈവറെ പൊലീസ് കസ്റ്റഡിയില്‍ എടുത്തിട്ടുണ്ട്. 

A woman and her newborn died after she reportedly gave birth at a lodge in Thrissur. Authorities have launched an investigation into the circumstances surrounding the incident, including the events leading to the delivery and whether there was any delay in accessing medical care. Further details are expected following the police inquiry and post-mortem examination.