ലാഹോര്‍: പാകിസ്താനിലെ ലാഹോറില്‍ നിര്‍മാണത്തിലിരിക്കുന്ന കെട്ടിടത്തിനുള്ളില്‍ പ്രവര്‍ത്തിക്കുന്ന സ്വകാര്യ ട്യൂഷന്‍ സെന്ററിന്റെ മേല്‍ക്കൂര തകര്‍ന്നുവീണ് 14 സ്‌കൂള്‍ കുട്ടികള്‍ മരിച്ചു. അഞ്ച് വിദ്യാര്‍ഥികള്‍ക്ക് പരിക്കേറ്റു. ലാഹോറിലെ കഹ്നയിലെ ഈദ്ഗാഹ് ബസ്തി പ്രദേശത്ത് ചൊവ്വാഴ്ചയാണ് സംഭവം.

20 പേരെ അവശിഷ്ടങ്ങള്‍ക്കിടയില്‍ നിന്ന് സുരക്ഷിതമായി പുറത്തെടുത്തതായി പൊലിസ് അറിയിച്ചു. പരുക്കേറ്റവരില്‍ ഒരു അധ്യാപികയുമുണ്ട്. അപകടത്തില്‍ പെട്ടവര്‍ ഏഴിനും 13നും ഇടയില്‍ പ്രായമുള്ള കുട്ടികളാണ്.

സംഭവത്തില്‍ അന്വേഷണം ആരംഭിച്ചിട്ടുണ്ട്. രണ്ട് പേരെ കസ്റ്റഡിയിലെടുത്തതായും ലാഹോര്‍ കമ്മീഷണര്‍ മറിയം ഖാന്‍ അറിയിച്ചു. ജനവാസ മേഖലയിലായിരുന്നു കെട്ടിടം സ്ഥിതി ചെയ്യുന്നത്.

ALSO READ: മരണത്തെ തോൽപ്പിച്ച് 106 മണിക്കൂർ; വെനസ്വേലയിൽ ഇരട്ട ഭൂചലനത്തിൽ തകർന്നടിഞ്ഞ അവശിഷ്ടങ്ങൾക്കിടയിൽ നിന്നും 21-കാരനെ രക്ഷപ്പെടുത്തി

നിര്‍മാണത്തിലിരിക്കുന്ന ഒരു കെട്ടിടത്തിലാണ് ട്യൂഷന്‍ സെന്റര്‍ പ്രവര്‍ത്തിച്ചിരുന്നതെന്നും സംഭവ സമയം കെട്ടിടത്തിന്റെ ഒരു ഭാഗത്ത് നിര്‍മാണം നടന്നുകൊണ്ടിരിക്കുകയായിരുന്നെന്നും റിപ്പോര്‍ട്ടുകള്‍ പറയുന്നു. കരാറുകാരനാണ് അറസ്റ്റിലായവരില്‍ ഒരാള്‍. 

ദുരന്തത്തില്‍ ഷെഹ്ബാസ് ഷെരീഫ് ദുഃഖം രേഖപ്പെടുത്തി
സംഭവത്തില്‍ പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫ് ദുഃഖം രേഖപ്പെടുത്തി. പരുക്കേറ്റവര്‍ വേഗത്തില്‍ സുഖം പ്രാപിക്കട്ടെയെന്ന് പ്രാര്‍ത്ഥിക്കുകയും അവര്‍ക്ക് സാധ്യമായ എല്ലാ വൈദ്യസഹായവും നല്‍കാന്‍ ബന്ധപ്പെട്ടവര്‍ക്ക് നിര്‍ദ്ദേശം നല്‍കുകയും ചെയ്തു. അതേസമയം, കെട്ടിട തകര്‍ച്ചക്ക് ഉത്തരവാദികളായവരെ തിരിച്ചറിയാനും അവര്‍ക്കെതിരെ ക്രിമിനല്‍ നടപടികള്‍ ആരംഭിക്കാനും പഞ്ചാബ് മുഖ്യമന്ത്രി മറിയം നവാസ് പൊലസിനും ജില്ലാ ഉദ്യോഗസ്ഥര്‍ക്കും നിര്‍ദ്ദേശം നല്‍കി.

at least 14 school children were killed and several others injured after the roof of a tuition centre operating inside an under-construction building collapsed in lahore, pakistan.