തൃശൂര്‍: കൃത്യമായ ഇന്‍ഷുറന്‍സ് പരിരക്ഷയുള്ള പൊലിസ് വാഹനത്തിന് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ (MVI) പിഴ ചുമത്തിയതിനെച്ചൊല്ലി തൃശൂരില്‍ പൊലിസും മോട്ടോര്‍ വാഹന വകുപ്പും തമ്മില്‍ തര്‍ക്കം. വടക്കാഞ്ചേരി പൊലിസിന്റെ നൈറ്റ് പട്രോളിങ് വാഹനത്തിനാണ് ഇന്‍ഷുറന്‍സ് ഇല്ലെന്ന കാരണത്താല്‍ എംവിഐ പിഴയൊടുക്കാന്‍ നോട്ടിസ് നല്‍കിയത്. എന്നാല്‍, നിയമപ്രകാരം ഇന്‍ഷുറന്‍സുള്ള വണ്ടിക്കാണ് തെറ്റായ വിവരങ്ങളുടെ അടിസ്ഥാനത്തില്‍ പിഴയിട്ടതെന്ന് പൊലിസ് വ്യക്തമാക്കുന്നു.

പൊലിസ് വാഹനത്തിന് പിഴ ചുമത്തിയതിന് പിന്നാലെ എംവിഐ മാധ്യമങ്ങള്‍ക്ക് വാര്‍ത്താക്കുറിപ്പ് നല്‍കിയിരുന്നു. ഇതിന് മറുപടിയായാണ് തങ്ങളുടെ വാഹനത്തിന് നിലവില്‍ ഇന്‍ഷുറന്‍സ് കൃത്യമായി ഉണ്ടെന്ന് തെളിയിക്കുന്ന ഔദ്യോഗിക രേഖകള്‍ വടക്കാഞ്ചേരി പൊലിസ് പരസ്യമാക്കിയത്.

ഇന്‍ഷുറന്‍സ് ഇല്ലെന്ന് കാണിച്ച് 4,000 രൂപയാണ് എംവിഐ പിഴയായി ഈടാക്കാന്‍ ശ്രമിച്ചത്. സംഭവത്തില്‍ കൃത്യമായ പരിശോധന നടത്താതെ തെറ്റായ നടപടി സ്വീകരിച്ച എന്‍ഫോഴ്‌സ്‌മെന്റ് എംവിഐ പി.വി ബിജുവിനെതിരെ പൊലിസുകാര്‍ ഉന്നത ഉദ്യോഗസ്ഥര്‍ക്ക് പരാതി നല്‍കാനൊരുങ്ങുകയാണ്.

A dispute has emerged in Thrissur after an Enforcement MVI fined a Wadakkanchery police patrol jeep Rs 4,000 for allegedly lacking insurance, prompting the police to release valid