വയനാട്: വയനാട് തുരങ്കപാത നിര്‍മാണ മേഖലയിലുണ്ടായ മണ്ണിടിച്ചില്‍ മനുഷ്യനിര്‍മിത ദുരന്തമാണെന്ന് മന്ത്രി ടി. സിദ്ദിഖ്. തുരങ്കപാത നിര്‍മാണത്തിനായി അശാസ്ത്രീയമായി കൂട്ടിയിട്ടിരുന്ന മണ്ണ് ഒലിച്ചിറങ്ങിയതാണ് അപകടത്തിന്റെ വ്യാപ്തി വര്‍ധിപ്പിച്ചതെന്ന് മന്ത്രി പറഞ്ഞു. നിര്‍മാണ കമ്പനിക്ക് ഗുരുതര വീഴ്ച സംഭവിച്ചെന്നും അപകട മുന്നറിയിപ്പ് കൊങ്കണ്‍ കമ്പനി അവഗണിച്ചെന്നും അദ്ദേഹം ആരോപിച്ചു.

ഇന്ന് രാവിലെയാണ് കള്ളാടി മീനാക്ഷി പാലത്തിന് സമീപം മണ്ണിടിച്ചില്‍ ഉണ്ടായത്. നിരവധി പേര്‍ മണ്ണിനടിയില്‍ കുടുങ്ങിക്കിടക്കുന്നതായും വാഹനങ്ങളും മണ്ണിനടിയില്‍പ്പെട്ടതായും സംശയമുണ്ട്. തൊഴിലാളികള്‍ എത്തിയ ബസിനും തൊഴിലാളികള്‍ വിശ്രമിച്ചിരുന്ന ഷെഡിനുമുകളിലേക്കാണ് മണ്ണിടിഞ്ഞുവീണതെന്നാണ് വിവരം. സ്ഥലത്ത് രക്ഷാപ്രവര്‍ത്തനം തുടരുകയാണ്.

ALSO READ: തുരങ്കപാത മണ്ണിടിച്ചില്‍: രണ്ട് മരണം 

ദുരന്തമുഖത്തെ രക്ഷാപ്രവര്‍ത്തനം ഏകോപിപ്പിക്കാന്‍ മന്ത്രിമാരായ ടി. സിദ്ദിഖിനും അനില്‍ കുമാറിനും ഉടന്‍ വയനാട്ടിലേക്ക് പോകാന്‍ മുഖ്യമന്ത്രി നിര്‍ദേശം നല്‍കി. റവന്യൂ, കൃഷി മന്ത്രിമാരോടും സ്ഥലത്തെത്താന്‍ നിര്‍ദേശിച്ചിട്ടുണ്ട്. മീനങ്ങാടിയിലെ എന്‍.ഡി.ആര്‍.എഫ് സംഘത്തെയും കോഴിക്കോട് നിന്നുള്ള രക്ഷാസംഘത്തെയും സംഭവസ്ഥലത്തേക്ക് വിന്യസിച്ചു. വയനാട് ജില്ലാ കളക്ടറുമായി മുഖ്യമന്ത്രി ഫോണില്‍ സംസാരിച്ച് രക്ഷാപ്രവര്‍ത്തനങ്ങള്‍ വേഗത്തിലാക്കാന്‍ നിര്‍ദേശം നല്‍കി.

Minister T. Siddique said the landslide in the Wayanad tunnel project area was a man-made disaster.He stated that the scale of the accident increased because soil that was unscientificly dumped for the tunnel construction washed away. The Minister also alleged that there was serious negligence on the part of the construction company and that the Konkan company had ignored the disaster warning.