മേപ്പാടി: വയനാട് കള്ളാടി മണ്ണിടിച്ചില്‍ ദുരന്തവുമായി ബന്ധപ്പെട്ട് സംസ്ഥാന സര്‍ക്കാര്‍ ഹൈക്കോടതിയില്‍ റിപ്പോര്‍ട്ട് സമര്‍പ്പിച്ചു. സര്‍ക്കാര്‍ നടത്തിയ സമയോചിത ഇടപെടലുകളാണ് ദുരന്തത്തിന്റെ വ്യാപ്തി കുറയ്ക്കാന്‍ സഹായിച്ചതെന്നും സംഭവത്തില്‍ രണ്ട് സ്വതന്ത്ര അന്വേഷണങ്ങള്‍ പ്രഖ്യാപിച്ചതായും റിപ്പോര്‍ട്ടില്‍ വ്യക്തമാക്കുന്നു. ദുരന്തനിവാരണ സെക്രട്ടറിയും പരിസ്ഥിതി സെക്രട്ടറിയും പ്രത്യേകം അന്വേഷണം നടത്തുമെന്നും റിപ്പോര്‍ട്ടില്‍ പറയുന്നു.

ജൂണ്‍ അഞ്ചിന് തന്നെ തുരങ്കപാത നിര്‍മാണ ജോലികള്‍ നിര്‍ത്തിവെക്കാന്‍ സര്‍ക്കാര്‍ നിര്‍ദേശം നല്‍കിയിരുന്നുവെന്ന് റിപ്പോര്‍ട്ടില്‍ ചൂണ്ടിക്കാട്ടുന്നു. ശക്തമായ മഴയുടെ സാധ്യത കണക്കിലെടുത്ത് മുന്‍കൂട്ടി മുന്നറിയിപ്പ് നല്‍കിയതായും സുരക്ഷാ നടപടികള്‍ ഉറപ്പാക്കുന്നതിനായി കരാറുകാരുടെ യോഗം വിളിച്ചുചേര്‍ത്തതായും സര്‍ക്കാര്‍ അറിയിച്ചു. ഈ സമയോചിത ഇടപെടലുകളാണ് മരണനിരക്ക് കുറയാന്‍ കാരണമായതെന്നും റിപ്പോര്‍ട്ടില്‍ അവകാശപ്പെടുന്നു.

ALSO READ: മുറിവ് തുന്നാന്‍ നല്‍കിയ അനസ്‌തേഷ്യയ്ക്ക് പിന്നാലെ ഒന്നര വയസുകാരന് മസ്തിഷ്‌കാഘാതം; ചികിത്സാപ്പിഴവെന്ന് പരാതി, ഡോക്ടര്‍ക്കെതിരേ കേസ് 

തുരങ്കപാത നിര്‍മാണത്തിന്റെ ഭാഗമായി കുഴിച്ചെടുത്ത മണ്ണ് ഉടന്‍ നീക്കം ചെയ്യാന്‍ കരാറുകാരന് നിര്‍ദേശം നല്‍കിയിരുന്നുവെന്നും അതുസംബന്ധിച്ച നിര്‍ദേശം കൊങ്കണ്‍ റെയില്‍വേ ഡെപ്യൂട്ടി ചീഫ് എന്‍ജിനീയര്‍ക്ക് കൈമാറിയിരുന്നുവെന്നും സര്‍ക്കാര്‍ ഹൈക്കോടതിയെ അറിയിച്ചു.

ദുരന്തവുമായി ബന്ധപ്പെട്ട് രണ്ട് സ്വതന്ത്ര അന്വേഷണങ്ങളാണ് സര്‍ക്കാര്‍ പ്രഖ്യാപിച്ചിരിക്കുന്നത്. സാങ്കേതികവും നിയമപരവുമായ അനുമതികള്‍ പാലിച്ചോയെന്ന കാര്യം ദുരന്തനിവാരണ സെക്രട്ടറി പരിശോധിക്കും. പരിസ്ഥിതി അനുമതികള്‍ നേടിയിട്ടുണ്ടോയെന്നത് പരിസ്ഥിതി സെക്രട്ടറി അന്വേഷിക്കും.

റിപ്പോര്‍ട്ടില്‍ കരാറുകാരുടെ ഭാഗത്തുണ്ടായ വീഴ്ചകളാണ് ദുരന്തത്തിന് കാരണമായതെന്ന നിലപാടാണ് സര്‍ക്കാര്‍ സ്വീകരിച്ചിരിക്കുന്നത്. ആവശ്യമായ മുന്നറിയിപ്പുകള്‍ സര്‍ക്കാര്‍ നേരത്തേ നല്‍കിയിരുന്നുവെന്നും കുഴിച്ചെടുത്ത മണ്ണ് നീക്കം ചെയ്യാന്‍ കരാറുകാരന് പലതവണ നിര്‍ദേശം നല്‍കിയിരുന്നുവെന്നും റിപ്പോര്‍ട്ടില്‍ വ്യക്തമാക്കുന്നു.

The state government has submitted a report to the High Court regarding the Kalladi landslide disaster in Wayanad.The report states that the government's timely interventions helped reduce the scale of the disaster. It also mentions that two independent investigations have been announced into the incident. The report adds that separate probes will be conducted by the Disaster Management Secretary and the Environment Secretary.