പട്‌ന: വിവാഹസല്‍ക്കാരത്തില്‍ മട്ടന് പകരം ചിക്കന്‍ വിളമ്പിയതിനെച്ചൊല്ലി ബിഹാറില്‍ വിവാഹവേദിയില്‍ കൂട്ടത്തല്ല്. സംഘര്‍ഷത്തില്‍ 12-ലധികം പേര്‍ക്ക് പരുക്കേറ്റു. സഹര്‍സ ജില്ലയിലെ രജന്‍പുര് ഗ്രാമത്തിലാണ് സംഭവം.

രജന്‍പുര് സ്വദേശിയായ മുഹമ്മദ് ജാവേദിന്റെ മകളുടെയും ബല്‍വാപര്‍ സ്വദേശിയായ മുഹമ്മദ് അന്‍വറിന്റെ മകന്റെയും വിവാഹച്ചടങ്ങിനിടെയാണ് സംഘര്‍ഷമുണ്ടായത്. വിവാഹസല്‍ക്കാരത്തില്‍ മട്ടന്‍ വിളമ്പുമെന്ന് വധുവിന്റെ വീട്ടുകാര്‍ ഉറപ്പുനല്‍കിയിരുന്നുവെന്നാണ് വരന്റെ ബന്ധുക്കളുടെ ആരോപണം. എന്നാല്‍ ഭക്ഷണം കഴിക്കാനെത്തിയപ്പോള്‍ മട്ടന് പകരം ചിക്കന്‍ വിഭവമാണ് വിളമ്പിയത്.

ALSO READ: തൃണമൂല്‍ കോണ്‍ഗ്രസിന് വീണ്ടും തിരിച്ചടി; 12 ബാങ്ക് അക്കൗണ്ടുകള്‍ കൂടി മരവിപ്പിച്ചു 

ഇത് ചോദ്യംചെയ്തതോടെ ഇരുവിഭാഗങ്ങളും തമ്മില്‍ വാക്കേറ്റമുണ്ടാവുകയും പിന്നീട് കൈയാങ്കളിയിലേക്ക് നീങ്ങുകയും ചെയ്തു. വിവരം ലഭിച്ചതിനെ തുടര്‍ന്ന് പൊലിസ് സ്ഥലത്തെത്തി സ്ഥിതിഗതികള്‍ നിയന്ത്രണവിധേയമാക്കി.

സംഘര്‍ഷത്തില്‍ വരന്റെ ഭാഗത്തുനിന്നുള്ള 12-ലധികം പേര്‍ക്ക് പരുക്കേറ്റതായി പൊലിസ് അറിയിച്ചു. സംഭവത്തില്‍ ഇതുവരെ ഔദ്യോഗിക പരാതി ലഭിച്ചിട്ടില്ലെന്നും അധികൃതര്‍ വ്യക്തമാക്കി. അതേസമയം, വധുവിന്റെ വീട്ടുകാര്‍ വാഗ്ദാനം ലംഘിച്ച് ചിക്കന്‍ വിളമ്പുകയും തുടര്‍ന്ന് ആക്രമണം നടത്തുകയും ചെയ്തതായി ആരോപിച്ച് പൊലിസില്‍ പരാതി നല്‍കുമെന്ന് വരന്റെ ബന്ധുക്കള്‍ അറിയിച്ചു.

A mass brawl broke out at a wedding venue in Bihar over mutton being served instead of chicken. More than 12 people were injured in the clash. The incident took place in Rajanpur village in Saharsa district.