വാഷിങ്ടണ്‍: പശ്ചിമേഷ്യയില്‍ സംഘര്‍ഷം കനക്കുന്നതിനിടെ ഹോര്‍മുസിന്റെ പൂര്‍ണ നിയന്ത്രണം അമേരിക്ക ഏറ്റെടുക്കുമെന്ന് പ്രഖ്യാപിച്ച് പ്രസിഡന്റ് ഡൊണാള്‍ഡ് ട്രംപ്. കപ്പല്‍ പാതയ്ക്ക് സംരക്ഷണമൊരുക്കുന്നതിന് പകരമായി സമ്പന്ന രാജ്യങ്ങളില്‍ നിന്ന് പ്രത്യേക ഫീസ് ഈടാക്കുമെന്നും ട്രംപ് പറഞ്ഞു. ഫോക്‌സ് ന്യൂസിന് നല്‍കിയ അഭിമുഖത്തിലാണ് ട്രംപിന്റെ പ്രഖ്യാപനം. 

ലോകത്തിലെ പ്രധാന നാവിക- ഊര്‍ജ പാതകളിലൊന്നായ ഹോര്‍മുസ് കടലിടുക്കിന്റെ പൂര്‍ണ നിയന്ത്രണം ഞങ്ങള്‍ ഏറ്റെടുക്കുകയാണ്. ഇത്രയും കാലം യാതൊരു പ്രതിഫലവുമില്ലാതെയാണ് ഞങ്ങള്‍ കപ്പല്‍ പാതയ്ക്ക് കാവല്‍ നിന്നത്. എന്നാല്‍ ഇനി ആ സ്ഥിതി തുടരുന്നതില്‍ അര്‍ഥമില്ല. ഞങ്ങള്‍ ഹോര്‍മുസ് കടലിടുക്ക് നിലനിര്‍ത്തുകയും അതിന്റെ നിയന്ത്രണം ഏറ്റെടുക്കുകയും ചെയ്യും. അമേരിക്കന്‍ സൈനികരുടെ ജീവന്‍ പണയം വെച്ചുള്ള ഈ സേവനത്തിന് അര്‍ഹമായ പ്രതിഫലം ലഭിക്കേണ്ടതുണ്ട്. അതിനാല്‍ ഈ വഴി ഉപയോഗിക്കുന്ന സമ്പന്ന രാജ്യങ്ങളില്‍ നിന്ന് വലിയ തുക ഈടാക്കും,' ട്രംപ് പറഞ്ഞു. 

ഏറ്റുമുട്ടലില്‍ ഇറാന്‍ സൈനികമായും, സാമ്പത്തികമായും തകര്‍ന്നതായി ട്രംപ് അവകാശപ്പെട്ടു. ഇറാന്റെ നാവികസേന, വ്യോമസേന, മിസൈല്‍ സംവിധാനങ്ങള്‍ എന്നിവ നിര്‍ജീവമാക്കിയെന്നും, പ്രധാന നേതാക്കള്‍ കൊല്ലപ്പെട്ടതായും ട്രംപ് അവകാശപ്പെട്ടു. മുന്‍പ് പ്രഖ്യാപിച്ച വെടിനിര്‍ത്തല്‍ കരാര്‍ അസാധുവായെന്നും, ആക്രമണം തുടരുകയാണെന്നും ട്രംപ് കൂട്ടിച്ചേര്‍ത്തു.

hormuz will now be controlled by america fees will be collected from wealthy countries using the shipping route says trump