ബ്രിസ്‌ബേന്‍: ഇന്ത്യ എ-ആസ്‌ത്രേലിയ എ ചതുര്‍ദിന ക്രിക്കറ്റ് ടെസ്റ്റിന്റെ നാലാം ദിനം മഴയെ തുടര്‍ന്ന് ഉപേക്ഷിച്ചു. ഔട്ട് ഫീല്‍ഡില്‍ വെള്ളം നിറഞ്ഞതിനാല്‍ ഒരു പന്തു പോലും നാലാം ദിനത്തില്‍ എറിയാന്‍ സാധിച്ചില്ല. ഇതോടെ രണ്ടാം ടെസ്റ്റ് സമനിലയില്‍ പിരിഞ്ഞു. നേരത്തെ ആദ്യ മത്സരത്തില്‍ ജയിച്ച കങ്കാരുക്കള്‍ ഇതോടെ പരമ്പര 1-0ന് സ്വന്തമാക്കി.
മൂന്നാം ദിനം കളിയവസാനിക്കുമ്പോള്‍ നാലു വിക്കറ്റ് നഷ്ടത്തില്‍ 158 റണ്‍സെടുത്തിരുന്നു. തോല്‍വി ഒഴിവാക്കാന്‍ ഇന്ത്യക്ക് ഇനിയും 108 റണ്‍സ് ആവശ്യമായിരുന്നു. അഖില്‍ ഹെര്‍വാദ്ക്കര്‍(82*) സഞ്ജു സാംസണ്‍(34*) എന്നിവര്‍ പുറത്താകാതെ നിന്നു.