പാങ്ങ്: റെയ്ഞ്ച് ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ പാങ്ങ് ചേണ്ടിയിലെ തൗഫീഖ് ഗോള്‍ഡ് ആന്‍ഡ് ഡയമണ്ടിന്റെ സഹകരണത്തോടെ പാങ്ങ് ഗവ. ഹയര്‍ സെക്കന്‍ഡറി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. തൗഫീഖ് ഗോള്‍ഡ് ആന്‍ഡ് ഡയമണ്ട് എം.ഡി കെ.വി ബഷീര്‍ സ്‌കൂള്‍ ലീഡര്‍ അനജക്ക് കോപ്പി നല്‍കി ഉദ്ഘാടനം ചെയ്തു. സുന്നി മഹല്ല് ഫെഡറേഷന്‍ കുറുവ പഞ്ചായത്ത് പ്രസിഡന്റ് എ.പി അബ്ദുല്‍ അസീസ് ദാരിമി അധ്യക്ഷനായി.
എം.ടി.എ നാസര്‍ ഫൈസി, വി.പി സാദിഖ്, ശമീര്‍ ഫൈസി, കെ.അലി റഹ്മാനി, സയ്യിദ് വി.ടി.എസ് നൂറുദ്ദീന്‍ തങ്ങള്‍, ബാസിത് യമാനി, പ്രധാനാധ്യാപകരായ പ്രിന്‍സ്, കെ. ലത, പി.ടി.എ പ്രസിഡന്റ് കെ.നാസര്‍ സംബന്ധിച്ചു.