എടപ്പാള്‍: ദേശീയപാതയിലെ കുറ്റിപ്പുറം ഹൈവേ ജങ്ഷനില്‍ ട്രാഫിക് സിഗ്‌നല്‍ അവഗണിച്ചു വാഹനങ്ങള്‍ കടന്നു പോകുന്നതു വന്‍ ദുരന്തത്തിനു കാരണമായേക്കും. സ്വകാര്യ ബസുകള്‍ ഉള്‍പ്പെടെയുള്ള വാഹനങ്ങളാണു സിഗ്‌നല്‍ അവഗണിച്ചു കടന്നുപോകുന്നത്.
നിയമം തെറ്റിക്കുന്ന വാഹനങ്ങളെ കണ്ടെണ്ടത്താന്‍ നേരത്തെ നിയോഗിച്ചിരുന്ന ഹോം ഗാര്‍ഡിന്റെ സേവനം നിര്‍ത്തലാക്കിയതിനെത്തുടര്‍ന്നാണു ഹൈവേ ജങ്ഷനില്‍ നിയമലംഘനം വര്‍ധിക്കാന്‍ ഇടയാക്കിയത്. പ്രധാനമായും ചില സ്വകാര്യ ബസുകളാണു ചുവപ്പു സിഗ്‌നല്‍ സമയത്തുപോലും നിയമം തെറ്റിച്ചു ജങ്ഷന്‍ കടന്നുപോകുന്നത്. സംഭവത്തെക്കുറിച്ച് ഒട്ടേറെ തവണ പരാതി നല്‍കിയിട്ടും പൊലീസ് പരിശോധനയ്‌ക്കെത്തുന്നില്ലെന്നു നാട്ടുകാര്‍ ആരോപിക്കുന്നു.
കാല്‍നടയാത്രക്കാര്‍ക്കു സീബ്രാലൈനിലൂടെ കടന്നുപോകാന്‍ സിഗ്‌നല്‍ സംവിധാനത്തില്‍ സമയം അനുവദിക്കാത്തതും അപകടം ക്ഷണിച്ചുവരുത്തും.