തിരുവനന്തപുരം: തിരുവനന്തപുരം ആര്‍മി റിക്രൂട്ടിങ് ഓഫിസ് അടുത്തമാസം 15 മുതല്‍ 24 വരെ പാങ്ങോട് കുളച്ചല്‍ സ്റ്റേഡിയത്തില്‍ നടത്തുന്ന കരസേന റിക്രൂട്ട്‌മെന്റ് റാലിക്കു ഈമാസം 30 വരെ ംംം.ഷീശിശിറശമിമൃാ്യ.ിശര.ശി എന്ന വെബ്‌സൈറ്റില്‍ ഓണ്‍ലൈനായി രജിസ്റ്റര്‍ ചെയ്യാം.
രജിസ്റ്റര്‍ ചെയ്ത ഉദ്യോഗാര്‍ഥികളുടെ അഡ്മിറ്റ് കാര്‍ഡ് അടുത്ത മാസം അഞ്ചിനു ശേഷം ഇ-മെയിലില്‍ അയക്കും. അഡ്മിറ്റ് കാര്‍ഡില്‍ രേഖപ്പെടുത്തിട്ടുള്ള ദിവസം ഉദ്യോഗാര്‍ഥികള്‍ ഹാജരാകേണ്ടതാണ്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ഏഴു തെക്കന്‍ ജില്ലകളിലുള്ളവര്‍ക്കുവേണ്ടി സോള്‍ജിയര്‍ ജനറല്‍ ഡ്യൂട്ടി, സോള്‍ജിയര്‍ ടെക്‌നിക്കല്‍, സോള്‍ജിയര്‍ നഴ്‌സിങ് അസിസ്റ്റന്റ്, സോള്‍ജിയര്‍ ക്ലര്‍ക്ക്, സ്റ്റോര്‍കീപ്പര്‍ ടെക്‌നിക്കല്‍, സോള്‍ജിയര്‍ ട്രേഡസ്‌മെന്‍, സോള്‍ജിയര്‍ ടെക്‌നിക്കല്‍ (നഴ്‌സിങ് അസിസ്റ്റന്റ്) എന്നീ തസ്തികകളിലേയ്ക്കാണ് റാലി നടത്തുന്നത്.