കാഞ്ഞങ്ങാട്: ഇന്ത്യന്‍ റെയില്‍വേ  മന്ത്രാലയം ആവിഷ്‌കരിച്ച ശുചിത്വ റെയില്‍വേ  ശുചിത്വ ഭാരതം വാരാചരണത്തിന് കാഞ്ഞങ്ങാട് റെയില്‍വേ  സ്റ്റേഷനില്‍ തുടക്കമായി.
 കാഞ്ഞങ്ങാട് മര്‍ച്ചന്റ്‌സ് അസോസിയേഷന്‍ സഹകരണത്തോടെ നടത്തുന്ന ശുചീകരണ യജ്ഞത്തില്‍ യതീംഖാന സ്‌കൗട്ട് വിഭാഗവും സംബന്ധിച്ചു. വാരാചരണം 23 ന് സമാപിക്കും. മര്‍ച്ചന്റ്‌സ് അസോസിയേഷന്‍ പ്രസിഡന്റ്  സി. യൂസഫ് ഹാജി വാരാചരണം ഉദ്ഘാടനം ചെയ്തു. സി.എ.പീറ്റര്‍, ടി. മുഹമ്മദ് അസ്‌ലം, സീനിയര്‍ ഡിവിഷനല്‍ റയില്‍വേ  സേഫ്റ്റി ഓഫിസര്‍  ചെല്ലദുരൈ, സേഫ്റ്റി കൗണ്‍സിലര്‍ എന്‍.ഹംസ, ഹെല്‍ത്ത് ഇന്‍സ്‌പെക്ടര്‍ നവീന്‍കുമാര്‍ തുടങ്ങിയവര്‍ സംബന്ധിച്ചു.
 ബേക്കല്‍ ഫോര്‍ട്ട് സ്റ്റേഷനില്‍ സേഫ്റ്റി ഓഫിസര്‍  ബെന്നിജോസും കോട്ടിക്കുളം സ്റ്റേഷനില്‍ സേഫ്റ്റി ഓഫിസര്‍  ടി.കെ. ഷാജിയും ശുചീകരണത്തിന് നേതൃത്വം നല്‍കി.