ന്യൂഡല്‍ഹി: ഐക്യരാഷ്ട്രസഭയുടെ 71-ാമത് പൊതുസമ്മേളനത്തില്‍ പങ്കെടുക്കുന്നതിനായി വിദേശകാര്യമന്ത്രി സുഷമ സ്വരാജ് ന്യൂയോര്‍ക്കിലെത്തി. നാളെയാണ് സുഷമാ സ്വരാജ് പൊതുസഭയെ അഭിസംബോധന ചെയ്യുക.

പാക് പ്രധാനമന്ത്രി നവാസ് ഷെരീഫിന്റെ യുഎന്‍ പ്രസംഗത്തിന് സുഷമ വ്യക്തമായ മറുപടി നല്‍കുമെന്നാണ് കരുതപ്പെടുന്നത്.

കഴിഞ്ഞ ദിവസം യുഎന്‍ പൊതുസഭയില്‍ സംസാരിച്ച പാക് പ്രധാനമന്ത്രി നവാസ് ശെരീഫ് കശ്മീര്‍ വിഷയത്തില്‍ ഇന്ത്യക്കെതിരെ ശക്തമായ ആരോപണങ്ങളുന്നയിച്ചിരുന്നു.