ജിദ്ദ: ജിസാനിലെ അല്‍ത്വിവാലിനു നേരെ ഹൂത്തി വിമത്തര്‍ നടത്തിയ ഷെല്ലാക്രണത്തില്‍ സഊദി സൈനികന്‍ മരിച്ചു. ഗുരുതരമായി പരിക്കേറ്റ് ചികിത്സയിലായിരുന്ന സുരക്ഷാ സേനാ ഉദ്യോഗസ്ഥന്‍ നാദിര്‍ അഹ്മദ് അബ്ദുല്ല അലിയാണ് മരിച്ചതെന്ന് ആഭ്യന്തര മന്ത്രാലയ വക്താവ് മേജര്‍ ജനറല്‍ മന്‍സൂര്‍ അല്‍ തുര്‍ക്കി അറിയിച്ചു. 

ജിസാനു നേരെ ഹൂത്തികള്‍ നടത്തിയ മറ്റൊരു ഷെല്ലാക്രമണത്തില്‍ രണ്ടു സ്വദേശികള്‍ക്കും ഒരു ബംഗ്ലാദേശി സ്വാദേശിക്കും പരിക്കേറ്റു. ഇവരെ സഊദി സിവില്‍ ഡിഫന്‍സ് അധികൃതര്‍ ജിസാനിലെ ആശുപത്രിയിലേക്ക് മാറ്റി. അതിനിടെ ഹൂത്തികളുടെ താവളങ്ങള്‍ക്ക് നേരെ സഊദി സേന ശക്തമായ ആക്രമണമാണ് നടത്തിയത്.