കോഴിക്കോട്: ഹസ്സന്‍ ഹാജി മെമ്മോറിയല്‍ ജെ.ഡി.ടി ഇസ്‌ലാം പോളിടെക്‌നിക് കോളജ് എന്‍.എസ്.എസ് യൂനിറ്റിന്റെ ആഭിമുഖ്യത്തില്‍ തിരുവമ്പാടി ആനക്കാംപോയില്‍ ആദിവാസി കോളനിയില്‍ വസ്ത്ര വിതരണം നടത്തി. എന്‍.എസ്.എസ് സാങ്കേതിക വിദ്യാഭ്യാസ വകുപ്പിന്റെ ആഭിമുഖ്യത്തില്‍  നടത്തിവരുന്ന മാനവീയം 2016  പക്ഷാചരണ സമാപനത്തിന്റെ ഭാഗമായാണ് പരിപാടി സംഘടിപ്പിച്ചത്.
തിരുവമ്പാടി പഞ്ചായത്ത് പ്രസിഡന്റ് പി.ടി അഗസ്റ്റിന്‍ വസ്ത്രങ്ങള്‍ വിതരണോദ്ഘാടനം നടത്തി. വാര്‍ഡ് മെമ്പര്‍ ടോണി കൊണക്കല്‍ അധ്യക്ഷനായി. വാര്‍ഡ് മെമ്പര്‍ പൗളി, കെ.എം അലി, കാരക്കാട് ബേബി, അധ്യാപകരായ സാദിഖ്, ഷംനാദ്, പ്രോഗ്രാം ഓഫിസര്‍ വിനു റോഷന്‍, വളണ്ടിയര്‍ സെക്രട്ടറി സയീദ് സംസാരിച്ചു, റിയാസ് സി.കെ സ്വാഗതവും മുഹമ്മദ് റബീഷ് നന്ദിയും പറഞ്ഞു.