കൊട്ടില: ഇരുപത്തിമൂന്നാമത്തെ വയസില്‍ ഇന്ത്യ-പാകിസ്ഥാന്‍ യുദ്ധവേളയില്‍ രാജ്യത്തെ സഹായിക്കാന്‍ 1965ല്‍ നാഷനല്‍ ഡിഫന്‍സ് ഫണ്ടിലേക്ക്  തന്റെ കഴുത്തിലെ സ്വര്‍ണ നെക്ലസ് സംഭാവന നല്‍കിയ ജില്ലയിലെ ഏക വനിത പള്ളിക്കരയിലെ കുട്ടുവന്‍ നബീസുമ്മയെ കൊട്ടില ഹൈസ്‌കൂള്‍ വിദ്യാര്‍ഥികള്‍ ആദരിച്ചു.
20 വര്‍ഷം കഴിഞ്ഞ് അഞ്ചര ശതമാനം പലിശയടക്കം യുദ്ധഫണ്ടിലേക്കു തന്നെ തിരിച്ചുനല്‍കിയ നബീസുമ്മ കശ്മീര്‍ അതിര്‍ത്തിയില്‍ രാജ്യത്തിന്റെ അഭിമാനം കാത്തുസൂക്ഷിച്ച ധിര ജവാന്‍മാരെ അഭിനന്ദിക്കുകയും ചെയ്തു. എ നാരായണന്‍, കെ.വി രാജിനി നേതൃത്വം നല്‍കി.