ചേര്‍ത്തല: ഗാന്ധിജയന്തി ദിനത്തില്‍ എക്‌സൈസ് സര്‍ക്കിള്‍ ഓഫീസിന്റെ ആഭിമുഖ്യത്തില്‍ കെഎസ്ആര്‍ടിസി ചേര്‍ത്തല ഡിപ്പോയുടെ സഹകരണത്തോടെ ലഹരിക്കെതിരെ ഒരു യാത്ര പരിപാടി നടത്തി. സ്‌കൂള്‍ കുട്ടികളെ സംഘടിപ്പിച്ച് ലഹരിവിരുദ്ധ സന്ദേശയാത്രയും നടത്തി. ഉദ്ഘാടനം ഭക്ഷ്യസിവില്‍ സപ്ലൈസ് വകുപ്പ് മന്ത്രി പി.തിലോത്തമന്‍ നിര്‍വഹിച്ചു. നഗരസഭ ചെയര്‍മാന്‍ ഐസക് മാടവന അധ്യക്ഷത വഹിച്ചു. കൗണ്‍സിലര്‍മാരായ ജ്യോതിമോള്‍, എടിഒ ടി.വി കോശി, ജി.മണികണ്ഠന്‍ സംസാരിച്ചു.