ആറ്റിങ്ങല്‍: പെന്‍ഷന്‍ വാങ്ങാന്‍ ആറ്റിങ്ങല്‍ സബ്ട്രഷറിയില്‍ പോയി മടങ്ങുന്നതിനിടെ റിട്ട:അധ്യാപിക കെ.എസ്.ആര്‍.ടി.സി ബസിടിച്ചു മരിച്ചു. അയിലം മാര്‍ക്കറ്റിനു സമീപം അനന്തപുരി വീട്ടില്‍ ഓമന (64) ആണ് മരിച്ചത്.
ദേശീയപാതയില്‍ നഗരസഭാ കാര്യാലയത്തിനു മുന്നിലെ വണ്‍വേ മുറിച്ചു കടക്കവെയായിരുന്നു അപകടം. ഇന്നലെ ഉച്ചയ്ക്ക് 12.45 നായിരുന്നു സംഭവം. ബസ് ഇവരുടെ ദേഹത്തൂടെ കയറിയിറങ്ങിയ ശേഷമാണ് നിന്നത്. ചിറയിന്‍കീഴ് താലൂക്ക് ആശുപത്രിയില്‍ എത്തിച്ച മൃതദേഹം പോസ്റ്റു മോര്‍ട്ടത്തിനു ശേഷം വീട്ടു വളപ്പില്‍ സംസ്‌കരിച്ചു. ഓമന അയിലം ഗവ. യു.പി.എസിലെ പി.ഡി. ടീച്ചറായാണ് വിരമിച്ചത്. മക്കള്‍: നൈസി ( സെക്രട്ടേറിയറ്റ്), നൈല്‍ (ടെക്‌നോപാര്‍ക്ക്), നൈസിലി (ടെക്‌നോപാര്‍ക്ക്). മരുമക്കള്‍: മഹീന്ദ്രദാസ് (ഡി.പി ഓഫീസ്), അരുണ്‍ എന്‍.കെ.രാജ് (കേന്ദ്ര നാണ്യവിള വികസന കേന്ദ്രം), അശ്വതി (ലാബ് അസിസ്റ്റന്റ്).