ബംഗളൂരു: സ്പാനിഷ് ലാ ലിഗ ക്ലബുമായി കരാറിലെത്തുന്ന ആദ്യ ഇന്ത്യന്‍ താരമായി ബംഗളൂരുവിലെ 18കാരന്‍ ഇഷാന്‍ പണ്ഡിത. നിലവില്‍ ലാ ലിഗയില്‍ പതിനൊന്നാം സ്ഥാനത്തുള്ള ലെഗാനെസുമായാണ് താരം ഒരു വര്‍ഷത്തെ കരാറിലെത്തിയത്. ടീമിന്റെ ജേഴ്‌സി ഇഷാന് ക്ലബ് വൈസ് പ്രസിഡന്റും ഉടമയുമായ ഫില്‍പ് മൊറെനോ കൈമാറി. 18 വയസു മാത്രം ഉള്ളതിനാല്‍ താരത്തിനു ലെഗാനെസിന്റെ സീനിയര്‍ ടീമില്‍ ഇടം ലഭിച്ചേക്കില്ല. നാലാം ഡിവിഷനില്‍ കളിക്കുന്ന ക്ലബിന്റെ ജൂനിയര്‍ ടീമില്‍ ഇഷാന്‍ കളിക്കും. കഴിഞ്ഞ മൂന്നു വര്‍ഷത്തോളമായി സ്‌പെയിനിലെ വിവിധ ടീമുകളില്‍ കളിച്ചാണ് താരം ലെഗാനെസിലേക്കെത്തുന്നത്. നേരത്തെ അല്‍മേരിയയുടെ ജൂനിയര്‍ ടീമില്‍ എട്ടു മാസത്തോളം താരം കളിച്ചിരുന്നു.