തിരുവനന്തപുരം: വ്യവസായമന്ത്രി ഇ.പി ജയരാജന്റെ ഭാര്യാ സഹോദരിയുടെ മകനും പി.കെ ശ്രീമതി എം.പിയുടെ മകനുമായ സുധീര്‍ നമ്പ്യാരെ കേരള ഇന്‍ഡസ്ട്രിയല്‍ എന്‍ര്‍പ്രൈസസ് മാനേജിങ് ഡയരക്ടര്‍ പട്ടികയില്‍ നിന്നു നീക്കി. നിയമനം വിവാദമായതിനു പിന്നാലെയാണ് ഇക്കാര്യത്തില്‍ വിശദീകരണവുമായി മന്ത്രി രംഗത്തെത്തിയത്.

കഴിഞ്ഞ തിങ്കളാഴ്ച തന്നെ സുധീര്‍ നമ്പ്യാരെ റാങ്ക് പട്ടികയില്‍ നിന്ന് ഒഴിവാക്കിയെന്നും എം.കെ ബീനയ്ക്കു തന്നെ എം.ഡിയുടെ ചുമതല നല്‍കിയെന്നും ജയരാജന്‍ അറിയിച്ചു.

അതേസമയം, ബന്ധു നിയമനം അന്വേഷിക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. നിയമനത്തെക്കുറിച്ച് തനിക്കറിയില്ലെന്നും ശ്രദ്ധയില്‍പ്പെട്ടിട്ടില്ലെന്നും അദ്ദേഹം പറഞ്ഞു.