എടവണ്ണപ്പാറ: ചീക്കോട് കെ.കെ.എം ഹയര്‍ സെക്കന്‍ഡറി സ്‌കൂളില്‍ ചീക്കോട് കൃഷിഭവന്റെ സഹകരണത്തോടെ എന്‍.എസ്.എസ് യൂനിറ്റിന്റെ കാര്‍ഷിക മുന്നേറ്റ പദ്ധതിക്ക് തുടക്കം. ഒരു ലക്ഷം രൂപ ചെലവില്‍ സ്‌കൂള്‍ മാനേജറുടെ ഉടമസ്ഥതയിലുള്ള പാടശേഖരത്തില്‍ ഏക്കയോളം സ്ഥലത്ത് കൃഷിയിറക്കുന്നതാണ് പദ്ധതി. നെല്‍വിത്ത് വിതച്ച് ഗ്രാമ പഞ്ചായത്ത് പ്രസിഡന്റ് കെ.പി സഈദ് പദ്ധതിയുടെ ഉദ്ഘാടനം നിര്‍വഹിച്ചു. ചടങ്ങില്‍ പി.ടി.എ പ്രസിഡന്റ് റഹ്മാന്‍ വെട്ടുപാറ അധ്യക്ഷനായി.  ചീക്കോട് കൃഷി ഓഫിസര്‍ ബാബു സക്കീര്‍, മാനേജര്‍ ബീരാന്‍ഹാജി, ഹമീദ് മാസ്റ്റര്‍, എന്‍.എസ്.എസ് ഓഫിസര്‍ മിഥുന്‍, പി.ടി.എ വൈസ് പ്രസിഡന്റ് സൈനുദ്ദീന്‍ ഹാജി, വി.കെ കുഞ്ഞാന്‍, എം.ഒ മൊയ്തീന്‍കുട്ടി, റഊഫ് മാസ്റ്റര്‍, മുനീര്‍ മാസ്റ്റര്‍, അമ്പിളി സംസാരിച്ചു.