കരുനാഗപ്പള്ളി: ഓമിനിവാനില്‍ കടത്തിയ റേഷനരിയും ഗോതമ്പും പിടികൂടി. പതിനഞ്ച് ചാക്ക് അരിയും ഒരുചാക്ക് ഗോതമ്പും ഉള്‍പ്പെടെ പതിനാറ് ചാക്ക് റേഷന്‍ ഭക്ഷ്യ ധാന്യങ്ങളാണ് കരുനാഗപ്പള്ളി പൊലിസ് പിടികൂടിയത്.
വാനില്‍ ഉണ്ടായിരുന്ന അയണിവേലികളങ്ങര വില്ലേജില്‍ കോഴിക്കോട്‌മേക്ക് പള്ളിയുടെ വടക്കതില്‍ ഹാഷിമിനെ അറസ്റ്റ് ചെയ്തു. കഴിഞ്ഞ ദിവസം പുലര്‍ച്ചെ ലാലാജി ജങ്ഷനലാണ് കരുനാഗപ്പള്ളി എസ്.ഐ രാജേഷ്, അഡി. എസ്.ഐ സെയ്ദ്, എ.എസ്.ഐ പന്മകുമാര്‍ എന്നിവര്‍ അടങ്ങിയ പൊലിസ് സംഘമാണ് റേഷന്‍ ഭക്ഷ്യസാധനങ്ങളും കടത്തിയ വാനും പിടികൂടിയത്.
പിടിച്ചെടുത്ത അരി പൊലിസ് സിവില്‍ സപ്ലൈസിന് കൈമാറി. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.