പള്ളിക്കര: എസ്.വൈസ്.എസ്, എസ്.കെ .എസ് എസ്.എഫ് മുക്കൂട് ശാഖാ നേതൃത്വത്തില്‍ മാസംതോറും നടന്നു വരുന്ന മജ്‌ലിസുന്നൂര്‍ സദസിന്റെ വാര്‍ഷികവും,എസ്.വൈ.എസ് ജില്ലാ, മണ്ഡലം,പഞ്ചായത്ത്  കമ്മിറ്റി ഭാരവാഹികള്‍ക്കുള്ള സ്വീകരണവും എസ്.കെ.എസ്.എസ്.എഫ് മുക്കൂട് ശാഖാ ഓഫിസില്‍ വച്ച് നടന്നു.   കഴിഞ്ഞ ദിവസം വൈകുന്നേരം നടന്ന മജ്‌ലിസുന്നൂര്‍ സദസിന്  സയ്യിദ് നജ്മുദ്ധീന്‍ പൂക്കോയ തങ്ങള്‍ നേതൃത്വം നല്‍കി.
 സ്വീകരണ യോഗത്തിന്റെ ഉദ്ഘാടനം എസ്.വൈ.എസ് ജില്ലാ ജനറല്‍ സെക്രട്ടറി അബൂബക്കര്‍ സാലൂദ് നിസാമി ഉദ്ഘാടനം ചെയ്തു.ചടങ്ങില്‍  കെ.കെ മുഹമ്മദ് കുഞ്ഞി  അധ്യക്ഷനായി.അബ്ദുല്‍ അസീസ് അശ്‌റഫി പാണത്തൂര്‍ മുഖ്യപ്രഭാഷണം നടത്തി. മണ്ഡലം സെക്രട്ടറി ഹാഷിം ദാരിമി, മുഹമ്മദ് ഷാ മുക്കൂട്, താജുദ്ധീന്‍ ചെമ്പരിക്ക, ഹംസഹാജി പള്ളിപ്പുഴ, കുന്നുമ്മല്‍ മുഹമ്മദ്, സൂപ്പി മൗലവി, മൊയ്തു ഹാജി, അബ്ബാസ് ഹാജി തുടങ്ങിയവര്‍ ചടങ്ങില്‍ സംസാരിച്ചു.