പേരാമ്പ്ര: മതപ്രബോധന പ്രവര്‍ത്തന രംഗങ്ങളില്‍ കേരളം ലോകത്തിന് മാതൃകയാണെന്ന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി. കൈപ്രം ജുമുഅത്ത് പള്ളി പുനര്‍നിര്‍മാണോദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. ചടങ്ങില്‍ കെ. കുഞ്ഞബ്ദുല്ല അധ്യക്ഷനായി. സമസ്ത കേരള ജംഇയ്യത്തുല്‍ വൈസ് പ്രസിഡന്റ് എം.ടി അബ്ദുല്ല മുസ്‌ലിയാര്‍, സി.എസ്.കെ തങ്ങള്‍ പാലേരി, പുറവൂര്‍ ഉസ്താദ്, കുട്ടിഹസന്‍ ദാരിമി, റഫീഖ് സക്കരിയ്യ ഫൈസി, പി.എം കോയ മുസ്‌ലിയാര്‍, അഷ്‌റഫ് അഷ്‌റഫി, ടി.കെ കുഞ്ഞമ്മദ് ഫൈസി, പി.പി അബ്ദുറഹ്മാന്‍, റഫീഖ് മൗലവി, സി.എച്ച് ഇബ്രായിക്കുട്ടി പ്രസംഗിച്ചു.