പാലക്കാട്: സംസ്ഥാന ചലച്ചിത്ര അവാര്‍ഡ് ദാന ചടങ്ങിനോടനുബന്ധിച്ച് ഇന്ന് വൈകുന്നേരം മൂന്നു മുതല്‍ രാത്രി 10 വരെ പാലക്കാട് നഗരത്തില്‍ താഴെ പറയുന്ന വിധത്തിലുള്ള ഗതാഗത നിയന്ത്രണമുണ്ടായിരിക്കും.
    മലമ്പുഴ, റെയില്‍വെ കോളനി, ഒലവക്കോട് ഭാഗങ്ങളില്‍ നിന്ന് വരുന്ന ടൗണ്‍ ബസുകള്‍ താരേക്കാട്, ശേഖരീപുരം ബൈപാസ്, മണലി വഴി സ്റ്റേഡിയം സ്റ്റാന്‍ഡില്‍ പ്രവേശിച്ച് തിരിച്ച് കോട്ടമൈതാനം, ടൗണ്‍ ബസ് സ്റ്റാന്‍ഡ് വഴി പോകേണ്ടതാണ്.
     കോഴിക്കോട് - ചെര്‍പ്പുളശ്ശേരി, മണ്ണാര്‍ക്കാട് ഭാഗങ്ങളില്‍ നിന്നും വരുന്ന കെ.എസ്.ആര്‍.ടി.സി ബസുകള്‍ ശേഖരീപുരം ബൈപാസ്സ്, മണലി വഴി സ്റ്റേഡിയം സ്റ്റാന്‍ഡില്‍ പ്രവേശിച്ച് തിരിച്ച് കോട്ടമൈതാനം വഴി കെ.എസ്.ആര്‍.ടി.സി ബസ് സ്റ്റാന്‍ഡില്‍ എത്തി തിരിച്ച് ടൗണ്‍ ബസ് സ്റ്റാന്‍ഡ് , ബി.ഒ.സി റോഡ് വഴി പോകേണ്ടതാണ്.
    തൃശ്ശൂര്‍, ചിറ്റൂര്‍ ഭാഗത്ത് നിന്നും വരുന്ന പ്രൈവറ്റ് ബസുകള്‍ ചന്ദ്രനഗര്‍ കല്‍മണ്ഡപം വഴി സ്റ്റേഡിയം ബസ് സറ്റാന്‍ഡിലെത്തി തിരിച്ച് കോട്ടമൈതാനം വഴി പോകേണ്ടതാണ്.
    കൊല്ലങ്കോട് - കൊടുവായൂര്‍, നെന്‍മാറ ഭാഗത്ത് നിന്നും സ്റ്റേഡിയം ബസ് സ്റ്റാന്‍ഡിലേക്ക് പോവുന്ന ബസുകള്‍ ചന്ദ്രനഗര്‍ കല്‍മണ്ഡപം വഴി സ്റ്റേഡിയം ബസ് സ്റ്റാന്‍ഡഡിലെത്തി കോട്ടമൈതാനം വഴി തിരിച്ചു പോകേണ്ടതാണ്.
    ചന്ദ്രനഗര്‍ ഭാഗത്ത് നിന്നും ഒറ്റപ്പാലം ഭാഗത്തേക്ക് പോവേണ്ട പലിയ വാഹനങ്ങള്‍ കല്‍മണ്ഡപം, മണലി ബൈപാസ്, ഒലവക്കോട് - കാവില്‍പ്പാട് വഴി പോകേണ്ടതാണ്.
    ഒറ്റപ്പാലം ഭാഗത്ത് നിന്നും ചന്ദ്രനഗര്‍ - കോയമ്പത്തൂര്‍ ഭാഗത്തേക്ക് പോവേണ്ട വലിയ വാഹനങ്ങള്‍, മേഴ്‌സി കോളജ്, തിരുനെല്ലായി, കണ്ണനൂര്‍ വഴി പോവേണ്ടതാണ്.
    ഐ.എം.എ ജങ്ഷന്‍ വഴി സ്റ്റേഡിയം ബസ് സ്റ്റാന്‍ഡ് ഭാഗത്തേക്കും താരേക്കാട്, സുല്‍ത്താന്‍പേട്ട വഴി സ്റ്റേഡിയം ബസ് സ്റ്റാന്‍ഡ് ഭാഗത്തേക്കും മേല്‍ പറഞ്ഞ സമയം ബസുകളും വലിയ വാഹനങ്ങളും വരാന്‍ പാടില്ല.  
    അവാര്‍ഡ് ദാനച്ചടങ്ങില്‍ വരുന്ന വാഹനങ്ങള്‍ സിവില്‍ സ്റ്റേഷന്‍ പരിസരം, രാപ്പാടി ചെറിയ കോട്ടമൈതാനം, വിക്‌ടോറിയ കോളജ് സമീപമുള്ള നൂറടി റോഡ് എന്നിവിടങ്ങളില്‍ ഗതാഗത തടസമുണ്ടാക്കാതെ പാര്‍ക്ക് ചെയ്യേണ്ടതാണ്.