ന്യൂഡല്‍ഹി: ആം ആദ്മി എം.എല്‍.എയായ ഗുലാബ് സിങിനെ ഗുജറാത്തില്‍ നിന്നും ഡല്‍ഹി പൊലിസ് അറസ്റ്റ് ചെയ്തു. ഡല്‍ഹി മാട്യാലയിലെ എം.എല്‍.എ ആയ ഗുലാബ് സിങിനെതിരെ അന്വേഷണത്തോട് സഹകരിച്ചില്ലെന്ന പേരില്‍ പൊലിസ് വാറണ്ട് പുറത്തുവിട്ടിരുന്നു.

സൂററ്റില്‍ അരവിന്ദ് കെജരിവാളിന്റെ റാലി നടക്കാന്‍ മണിക്കൂറുകള്‍ മാത്രം ബാക്കിനില്‍ക്കെയാണ് പാര്‍ട്ടിയുടെ ഗുജറാത്ത് ഇന്‍ ചാര്‍ജുകൂടിയായ ഗുലാബ് സിങ് അറസ്റ്റിലാവുന്നത്. സിങ്് ഉള്‍പ്പെടെ ഇത് 14 ാമത്തെ എ.എ.പി എം.എല്‍.എമാരെയാണ് പൊലിസ് അറസ്റ്റ് ചെയ്യുന്നത്. ഇത് എ.എ.പിയെ കൂടുതല്‍ പ്രതിരോധത്തിലാക്കിയിരിക്കുകയാണ്.

തട്ടിപ്പ് കേസില്‍ ബിന്ദാപൂരിലെ പൊലീസ് സ്‌റ്റേഷനില്‍ സെപ്തംബര്‍ 13നാണ് എം.എല്‍.എക്കെതിരെ എഫ്..െഎ.ആര്‍ രജിസ്റ്റര്‍ ചെയ്തത്. റാലി നടക്കാന്‍ രണ്ടു ദിവസം ശേഷിക്കെയാണ് സിങിനെതിരെ പൊലിസ് അറസ്റ്റ് വാറണ്ട് പുറത്തിറക്കിയത്.