എടപ്പാള്‍: കണ്ടനകം ബിവറേജസിനു മുന്നില്‍ നടന്ന മഹിളാ ധര്‍ണയിലേക്ക് മദ്യക്കുപ്പിയുമായി വന്ന് അസഭ്യം പറഞ്ഞ യുവാവിനെ പൊലിസ് കസ്റ്റഡിയിലെടുത്തു. മാങ്ങാട്ടൂര്‍ സ്വദേശി രമേശനെയാണ് കസ്റ്റഡിയിലെടുത്തത്. ഇന്നലെ ബിവറേജസ് ഔട്ട്‌ലറ്റിനു മുന്നില്‍ മദ്യനിരോധന സമിതിയുടെ നേതൃത്വത്തില്‍ ധര്‍ണ നടക്കുന്നതിനിടയിലാണ് സംഭവം. രമേശനെ സമരക്കാരും നാട്ടുകാരും ചേര്‍ന്നു തടഞ്ഞുവയ്ക്കുകയും പിന്നീട് പൊലിസെത്തി കസ്റ്റഡിയിലെടുക്കുകയുമായിരുന്നു.