എടത്വ: ഫ്രാന്‍സിസ്‌കന്‍ അല്‍മായ സഭ ചങ്ങനാശ്ശേരി അതിരൂപതാ വാര്‍ഷികവും വിശുദ്ധ ഫ്രാന്‍സിസ് അസ്സീസിയുടെ തിരുനാളും പച്ച-ചെക്കിടിക്കാട് ലൂര്‍ദ്ദ് മാതാ പള്ളിയില്‍ വച്ച് നടന്നു. ചങ്ങനാശ്ശേരി അതിരൂപതാ ആര്‍ച്ച് ബിഷപ്പ് മാര്‍ ജോസഫ് പെരുന്തോട്ടം ഉദ്ഘാടനം നിര്‍വഹിച്ചു. അതിരൂപതാ പ്രസിഡന്റ് സിബിച്ചന്‍ സ്രാങ്കന്‍ അധ്യക്ഷത വഹിച്ചു. ഫാ. ളൂയിസ് വെള്ളാനിക്കല്‍, ഫാ. ജോര്‍ജ്ജ് കൊച്ചുപറമ്പില്‍, ഫാ. ഷാജി പനപറമ്പില്‍, എല്‍സമ്മ സെബാസ്റ്റ്യന്‍ മരങ്ങാട്ട്, പ്രൊഫ. ജയിംസ് സെബാസ്റ്റ്യന്‍, സിസ്റ്റര്‍ റോസി, പ്രമോദ് പി. ജോസഫ്, ഫാ. ജോയിസ് കാമിച്ചേരി, പ്രൊഫ. മാത്യു ജോര്‍ജ്ജ് വെള്ളാപള്ളിപുരയ്ക്കല്‍, ആന്റണി ചാക്കോ കൊങ്ങപ്പള്ളില്‍, തോമസ് ഫ്രാന്‍സിസ് കാട്ടുങ്കല്‍ എന്നിവര്‍ പ്രസംഗിച്ചു.
വിശുദ്ധ ഫ്രാന്‍സിസ് അസ്സീസിയുടെ തിരുനാളിന് വികാരി ഫാ. ജോര്‍ജ്ജ് കൊച്ചുപറമ്പില്‍ കൊടിയേറ്റി. തിരുനാള്‍ കുര്‍ബാനക്കും പ്രദക്ഷിണത്തിനും കോട്ടയം സെന്റ് ജോസഫ് കപ്പ്യൂച്ചന്‍ പ്രൊവിന്‍ഷ്യാള്‍ ഫാ. ജോസഫ് പുത്തന്‍പുര മുഖ്യകാര്‍മികത്വം വഹിച്ചു. എസ്.എഫ്.ഒ. യില്‍ ദീര്‍ഘകാലം പ്രവര്‍ത്തിച്ച ഏലിയാമ്മ കാവിലവീട്ടില്‍, ക്ലാരമ്മ വരമ്പത്ത്, ബ്രിജിത്താമ്മ മണ്ണാംതുരുത്തില്‍, മേരിക്കുട്ടി വള്ളപ്പുരയ്ക്കല്‍, ഏലിമ്മ വേളേപറമ്പ് എന്നിവരെ ആദരിച്ചു.