പാപ്പിനിശ്ശേരി: തളിപ്പറമ്പ് ദേശീയപാതയില്‍ രണ്ടു വ്യത്യസ്ത വാഹനാപകടങ്ങളില്‍ നാലു പേര്‍ക്ക് പരുക്ക്. പാപ്പിനിശേരി പഞ്ചായത്തിനു സമീപം ഇന്നലെ രാവിലെ ഏഴോടെ നിര്‍ത്തിയിട്ട ബസിനു പിന്നില്‍ സ്‌കൂട്ടറിടിച്ച് യാത്രക്കാരന് പരുക്കേറ്റു. ഇയാളെ തൊട്ടടുത്ത സ്വകാര്യ ആശുപത്രിയില്‍ പ്രവേശിപ്പിച്ചു.
കീച്ചേരി ബസ് സ്റ്റോപിനു സമീപം ഇന്നലെ രാവിലെ 8.30ഓടെ കണ്ണൂരില്‍ നിന്ന് കാഞ്ഞങ്ങാട് ഭാഗത്തേക്ക് പോകുകയായിരുന്ന സ്വകാര്യ ബസ് മറ്റൊരു വാഹനത്തെ മറികടക്കാന്‍ ശ്രമിക്കവെ രണ്ട് ബൈക്കുകളിലിടിച്ചു. ഒന്നു പൊലിസ് വാഹനമാണ്.
കെ.എ.പി ക്യാംപിലെ കേഡറ്റ് അഭിജിത് മോന്‍(36), മറ്റൊരു ബൈക്ക് യാത്രക്കാരായ ചെറുപുഴ സ്വദേശികളായ അപ്പച്ചന്‍(50), മകന്‍ ജെയ്‌സണ്‍(21) എന്നിവര്‍ക്കാണ് പരുക്കേറ്റത്. ഇവരെ പരിയാരം മെഡിക്കല്‍ കോളജില്‍ പ്രവേശിപ്പിച്ചു.