കൊച്ചി: മാധ്യമ പ്രവര്‍ത്തകനും ട്രേഡ് യൂനിയന്‍ നേതാവുമായിരുന്ന പെരുന്ന തോമസിന്റെ സമാഹരിച്ച കഥകളുടെ പ്രകാശനം  മുന്‍ കേന്ദ്രമന്ത്രി എ.കെ ആന്റണി നിര്‍വഹിച്ചു.
ഭാരത് ടൂറിസ്റ്റ് ഹോമില്‍ നടന്ന ചടങ്ങില്‍ പ്രൊഫ.കെ.വി തോമസ് എം.പി അധ്യക്ഷനായി. പ്രൊഫ.എം.കെ സാനു പുസ്തകം ഏറ്റുവാങ്ങി. പ്രൊഫ.എം.കെ തോമസ് മാത്യു പുസ്തകം പരിചയപ്പെടുത്തി. കെ ശങ്കരനാരായണന്‍ സ്മാരക പ്രഭാഷണം നടത്തി. നൂറനാട് മോഹന്‍ പങ്കെടുത്തു.
തുടര്‍ന്ന് ജുഡീഷ്യറിയും മാധ്യമങ്ങളും എന്ന വിഷയത്തില്‍ സംവാദം നടന്നു. അഡ്വ. തമ്പാന്‍ തോമസ് മോഡറേറ്ററായിരുന്നു. എം.എം ലോറന്‍സ്, പി.ടി തോമസ് എം.എല്‍.എ, എന്‍.കെ പവിത്രന്‍ തുടങ്ങിയവര്‍ പങ്കെടുത്തു. ഡി പ്രദീപ് കുമാര്‍ സ്വാഗതവും ബേബി മാത്യു ലാവണ്യ നന്ദിയും പറഞ്ഞു.