തിരുവനന്തപുരം: കോട്ടയം, ആലപ്പുഴ ജില്ലകളിലെ റെയില്‍വേ വികസനവുമായി ബന്ധപ്പെട്ട വിഷയങ്ങള്‍ പരിഹരിക്കുന്നതിന് സര്‍ക്കാരിന്റെ അടിയന്തര ഇടപെടല്‍ ഉണ്ടാകുമെന്നും ഭൂമി ഏറ്റെടുക്കല്‍ വിഷയങ്ങള്‍ അടിയന്തരമായി പരിഹരിക്കുമെന്നും റെയില്‍വേയുടെ ചുമതലയുള്ള മന്ത്രി ജി. സുധാകരന്‍ അറിയിച്ചു.
ആലപ്പുഴ, കോട്ടയം ജില്ലകളില്‍ റെയില്‍പാത ഇരട്ടിപ്പിക്കാന്‍ ഓവര്‍ബ്രിഡ്ജുകളും അടിപ്പാതകളും നിര്‍മിക്കാനാവശ്യമായ ഭൂമി യുദ്ധകാലാടിസ്ഥാനത്തില്‍ ഏറ്റെടുക്കും. ഭൂഉടമസ്ഥര്‍ക്ക് അര്‍ഹമായ നഷ്ടപരിഹാരം നല്‍കുന്നതിന് നടപടി സ്വീകരിക്കുമെന്നും മന്ത്രി അറിയിച്ചു.