കൊച്ചി: ഹോണ്ട മോട്ടോര്‍ സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ 900മത് ഹോണ്ട അംഗീകൃത എക്‌സ്‌ക്‌ളൂസീവ് ഡീലര്‍ഷിപ്പ് (ഹെഡ്‌സ്) ഉദ്ഘാടനം ചെയ്തു.

ഇതോടെ കമ്പനിയുടെ രാജ്യത്തെ ഹോണ്ട ടച്ച് പോയിന്റുകളുടെ എണ്ണം 4800 ആയി.
നടപ്പുവര്‍ഷം അവസാനിക്കുന്നതിനു മുമ്പേ 500 ടച്ച് പോയിന്റുകള്‍ കൂടി ആരംഭിക്കുമെന്ന് കമ്പനിയുടെ സെയില്‍സ് ആന്‍ഡ് മാര്‍ക്കറ്റിംഗ് സീനിയര്‍ വൈസ് പ്രസിഡന്റ് യാദവീന്ദര്‍ സിംഗ് ഗുലേരിയ അറിയിച്ചു. വര്‍ഷാവസാനത്തോടെ 5300 ടച്ച് പോയിന്റുകളാണ് ലക്ഷ്യം.

കമ്പനിയുടെ ഇരുചക്രവാഹനങ്ങള്‍ക്കുള്ള ഡിമാണ്ട് വര്‍ധിക്കുന്നതിനനുസരിച്ചു സെയില്‍സ്, സര്‍വീസ് സേവനങ്ങള്‍ ഉപഭോക്താക്കളുടെ കൂടുതല്‍ അടുത്തേയ്ക്കു കൊണ്ടുവരുവാന്‍ കമ്പനി ആഗ്രഹിക്കുന്നു.

'സെയില്‍സ്, സര്‍വീസ്, സ്‌പെയര്‍ പാര്‍ട്‌സ്, സേഫ്റ്റി' എന്നീ നാല് 'എസ്' സെറ്റപ്പിലാണ് ഹോണ്ടയുടെ എല്ലാ ഡീലര്‍ഷിപ്പുകളും ആരംഭിച്ചിട്ടുള്ളതെന്ന് ഗുലേറിയ പറഞ്ഞു.